यंदा शाळांना केवळ १४ दिवसांच्या दिवाळी सुट्ट्या

एज्युवार्ता न्यूज नेटवर्क 

राज्य मंडळाच्या सहामाही परीक्षा अंतिम टप्प्यात (Semester exam in final stage) असून यंदा शाळांना केवळ १४ दिवसांच्या सुट्ट्या (14 days Diwali holiday for schools) देण्यात आल्या आहेत. त्यानुसार सोमवार दि. २८ ऑक्टोबरपासून शाळांना दिवाळीची सुट्ट्या सुरू होणार आहे. महाविद्यालयांना मात्र अद्यापही त्यासंदर्भात सूचना आली नसली तरी शनिवार दि. २६ पासून महाविद्यालयांना सुटी लागेल अशी शक्यता आहे. 

प्रशासनाने दिलेल्या माहितीनुसार यंदा १४ दिवस शाळांना दिवाळीच्या सुट्ट्या राहणार आहेत. शाळांना द्यावयाच्या दिवाळीच्या सुट्यांचे नियोजन हे जिल्हा परिषदेच्या प्राथमिक व माध्यमिक विभागाकडून करण्यात येते. दिवाळीच्या एकूण १४ सुट्ट्या मिळणार असल्याचेही शिक्षण विभागाच्या पत्रकात स्पष्ट करण्यात आले आहे. 

राज्य मंडळाच्या परीक्षा सुरू असून २५ तारखेपर्यंत त्या संपतील. त्यानंतर दिवाळीच्या सुट्या लागणार आहेत. महाविद्यालयाच्या पदवीपर्यंतच्या परीक्षा सुरू असून, त्याही २६ ऑक्टोबरपर्यंत संपतील. तर पदविकेच्या परीक्षा दिवाळीच्या सुटीनंतर होणार आहेत.

राज्य मंडळाच्या शाळा १२ तारखेपासून सुरू होतील. सुटी लागण्याचा कालावधी सारखाच असला तरी शाळा सुरू होण्याबाबत मात्र एकमत नसल्याने राज्य मंडळाच्या माध्यमिकच्या शाळा १२ नोव्हेंबर, तर प्राथमिकच्या शाळा १६ नोव्हेंबरपासून सुरू होणार आहेत.

दरम्यान, शिक्षक संघटना व शिक्षण अधिकारी यांनी त्या- त्या जिल्ह्यात घेतलेल्या सहाविचार सभेत घेतलेल्या निर्णयानुसार सुट्ट्यांचे नियोजन करण्यात आले आहे.त्यामुळे प्रत्येक जिल्ह्यात सुट्टीचा कालावधी वेगळा असू शकतो.