शिक्षकांना निरोप देताना विद्यार्थ्यांनी बैलगाडीतून काढली मिरवणूक 

एज्युवार्ता न्यूज नेटवर्क 

शिक्षक आणि विद्यार्थ्यांने नाते (Teacher student relationship) जपले तर फार खास आणि सुंदर असते. असेच एक शाळेतील गुरुशिष्याच्या नात्यातील अनोखे प्रेम (The unique love of a master-disciple relationship) पाहायला मिळाले आहे. शिक्षकाला निवृत्तीनंतर निरोप देताना, विद्यार्थ्यांनी शिक्षकांची थेट बैलगाडीतून (The students took out a procession of the teacher directly in a bullock cart) मिरवणूक काढत अनोखा निरोप दिला. 

शब्दांच्या ओळखीपासून ते वाचन कसे करायचे, शिस्त कशी पाळायची, स्वच्छता कशी ठेवावी, इतरांशी कसे बोलावे, अभ्यास कसा करावा, व्यक्तिमत्व कसे घडवावे याचे ज्ञान हे आपल्याला शाळेतूनच मिळत असते. शिक्षक आपल्याला घडवतो, त्यातून शिक्षकांप्रती असलेला आपला आदर, प्रेम आपण विविध प्रकारे व्यक्त करतो. सध्या गुरुशिष्याच्या नात्यातील असाच एक व्हिडीओ सोशल मीडियावर  व्हायरल होत आहे. 

व्हायरत झालेला हा व्हिडीओ तेलंगणातीत आहे. तेलंगणातीत वारंगत जिल्ह्यातील दुग्गोंडी हायस्कूल शाळेत हिंदी विषयाचे शिक्षक जनार्दन यांनी अनेक विद्यार्थ्यांना शिकवले आणि घडवले. मात्र, त्यांच्या निरोप समारंभ प्रसंगी विद्यार्थी भाऊक झाले. त्यांचा निरोप समारंभ साजरा करण्यासाठी शाळेतील कर्मचारी आणि शिक्षकांनीच नाही तर खासकरून विद्यार्थ्यांनी पुढाकार घेतला. विद्यार्थ्यांनी शिक्षक जनार्दन यांना आदरपूर्वक निरोप दिला. यावेळी त्यांची बैलगाडीमध्ये बसवून एक खास मिरवणूक काढली. 

शिक्षकाला निरोप देताना अनेक विद्यार्थी आणि कर्मचारी जमते होते. यावेळी त्यांचा खास सत्कारही करण्यात आला. विद्यार्थ्यांनी निवृत्त शिक्षक जनार्दन यांना बैलगाडीत  बसवले आणि बैलांच्या जागी विद्यार्थ्यांनी स्वतः बैलगाडी ओढली. त्यानंतर एक मंडप बांधण्यात आता. तेथे जनार्दन यांचे फुलांचा वर्षाव करून स्वागत करण्यात आले. त्यानंतर साडी परिधान केलेल्या काही विद्यार्थिनीनी कोलातम व बटुकम्मास यांसारख्या पारंपरिक नृत्याचं सादरीकरणही केले. या खास कार्यक्रमात विद्यार्थ्यांचे पालकही सहभागी झाले होते. विद्यार्थ्यांनी यावेळी गुरूंचे खास केलेत स्वागत आणि त्यांना दिलेला निरोप सभारंभ पाहून सगळेच आनंदी झाले.