सावित्रीबाई फुले यांच्या जीवनावरील शील्पांचे उद्घाटन राष्ट्रपतींच्या हस्ते?

एज्युवार्ता न्यूज नेटवर्क 

सावित्रीबाई फुले पुणे विद्यापीठातील (Savitribai Phule Pune University)मुख्य इमारतीजवळ सावित्रीबाई फुले यांचा पूर्णाकृती पुतळा उभारण्यात आला आहे. तसेच या पुतळ्याजवळ सावित्रीबाई फुले यांच्या जीवनावर शिल्प (Sculpture on the life of Savitribai Phule) उभारण्यात आले आहे. या शील्पांचे उद्घाटन राष्ट्रपती द्रौपदी मुर्मू यांच्या हस्ते करण्याचा विद्यापीठाचा प्रयत्न आहे. विद्यापीठाने राष्ट्रपती(President) कार्यालयाकडे याबाबत पत्रव्यवहार केला होता. त्यावर राष्ट्रापती कार्यालयाने विद्यापीठाकडे माहिती मागवली होती. विद्यापीठाने आवश्यक माहिती पाठवली आहे. त्यामुळे विद्यापीठातील सावित्रीबाई फुले यांच्या जीवनावरील विविध शील्पांचे उद्घाटन राष्ट्रपती यांच्या हस्ते होण्याची शक्यता आहे. 

पुणे विद्यापीठाला सावित्रीबाई फुले यांचे नाव देण्यात आले. त्यानंतर विद्यापीठात सावित्रीबाई फुले यांचा पूर्णाकृती पुतळा उभारण्यात आला.मात्र, या पुतळ्याच्या जवळ सावित्रीबाई फुले यांच्या जीवन कार्यावर आधारित तब्बल 28 शिल्प उभारण्यात आले. सावित्रीबाई फुले यांच्या जयंती निमित्ताने शील्पांचे उद्घाटन होईल,अशी शक्यता व्यक्त केली जात होती.मात्र, या विविध शील्पांचे उद्घाटन राष्ट्रपती द्रौपदी मुर्मू यांच्या हस्ते करण्याचा विद्यापीठाचा मानस आहे. 

विद्यापीठाने नुकतेच आपले अमृत महोत्सवी वर्ष साजरे केले आहे.त्यानिमित्ताने विद्यापीठाने काही कार्यक्रमाचे आयोजन केले होते.या कार्यक्रमास अनेक मान्यवर उपस्थित होते.परंतु, आता राष्ट्रपती द्रौपदी मुर्मू यांनी विद्यापीठातील कार्यक्रमास उपस्थित राहवे, अशी विद्यापीठ प्रशासनाची भूमिका आहे.