यशवंतराव चव्हाण महाराष्ट्र मुक्त विद्यापीठाच्या विविध अभ्यासक्रमांचा उदघाटन समारंभ उत्साहात संपन्न

एज्युवार्ता न्यूज नेटवर्क

अशोका इन्स्टिट्यूट ऑफ मॅनेजमेंट अँड रिसर्चमार्फत (Ashoka Institute of Management and Research) ऑल इंडिया इन्स्टिट्यूट ऑफ लोकल सेल्फ गव्हर्नमेंट (All India Institute of Local Self Government) येथील यशवंतराव चव्हाण महाराष्ट्र मुक्त विद्यापीठाच्या (Yashwantrao Chavan Maharashtra Open University) विविध अभ्यासक्रमांचा उदघाटन समारंभ (Inauguration ceremony of various courses) आयोजित करण्यात आला होता.

दीपप्रज्वलन करून या कार्यक्रमाचे उद्घाटन करण्यात आले. यावेळी समाजभूषण बाबुराव उर्फ अप्पासाहेब जेधे महाविद्यालयाच्या प्रा.डॉ.दिपाली पाटील या प्रमुख पाहुणे म्हणून उपस्थित होत्या. तसेच अभ्यासकेंद्रावरील समंत्रक व शैक्षणिक वर्ष २०२३-२०२४ मधील गुणवंत विद्यार्थांचा सत्कार करण्यात आला. प्रा.डॉ.दिपाली  पाटील यांनी सर्व गुणवंत विद्यार्थांचे कौतुक केले व आपल्या मार्गदर्शनात शिक्षणाच्या त्रिसूत्रीबाबत माहिती दिली.

तसेच विशेष अतिथी य.च.म.मु.विद्यापीठातील विभागीय संचालक डॉ.व्ही.बी.गायकवाड यांनी नवीन शैक्षणिक धोरणाविषयी विद्यार्थ्यांना माहिती दिली. त्याचबरोबर संस्थेचे विभागीय संचालक दगा मोरे यांनी संस्थेत चालणाऱ्या विविध अभ्याक्रमाविषयी व प्रकल्पाविषयी विद्यार्थांना सांगितले.   

यावेळी य.च.म.मु.विद्यापीठातील कक्ष अधिकारी संतोष वामन, प्रशासकीय सल्लागार उत्तम जाधव, उपसंचालिका लेखा अर्चना फलके, केंद्रसंयोजक गोविंद नामदे, दिनकर बुरुंगले, दत्तात्रय ठोसर, सागर घेवडे, विक्रांत चावक, दिलीप भोसले, सुर्यकांत शिंदे, संजय गौड, शुभम जाधव, रोहित फडतारे, निकिता खांडेकर, समीर मुरुकटे आदी मान्यवर उपस्थित होते.