शिष्यवृत्ती परीक्षेचे अर्ज भरण्यास १३ फेब्रुवारीपर्यंत मुदतवाढ
२८ फेब्रुवारीनंतर कोणत्याही परिस्थितीत विद्यार्थ्यांना ऑनलाईन अथवा ऑफलाईन परीक्षा अर्ज भरता येणार नाही याची नोंद घ्यावी, असे परीक्षा परिषदेच्या आयुक्त अनुराधा ओक यांनी कळविले आहे.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य परीक्षा परिषदेमार्फत येत्या २६ एप्रिल २०२६ रोजी घेण्यात येणाऱ्या प्राथमिक व उच्च प्राथमिक शिष्यवृत्ती परीक्षेसाठी शाळा नोंदणी व विद्यार्थ्यांना ऑनलाईन पद्धतीने नियमित शुल्कासह अर्ज भरण्यास १३ फेब्रुवारी २०२६ पर्यंत मुदतवाढ देण्यात आली आहे.
शाळा नोंदणी व विद्यार्थ्यांचे अर्ज http://www.mscepune.in व http://puppssmsce.in या संकेतस्थळावर विलंब शुल्कासह १४ ते २० फेब्रुवारी, अतिविलंब शुल्कासह २१ ते २४ फेब्रुवारीपर्यंत तसेच अतिविशेष विलंब शुल्कासह २५ ते २८ फेब्रुवारीपर्यंत सादर करता येतील. २८ फेब्रुवारीनंतर कोणत्याही परिस्थितीत विद्यार्थ्यांना ऑनलाईन अथवा ऑफलाईन परीक्षा अर्ज भरता येणार नाही याची नोंद घ्यावी, असे परीक्षा परिषदेच्या आयुक्त अनुराधा ओक यांनी कळविले आहे.
यंदा इयत्ता चौथी व सातवी तसेच पाचवी व आठवीच्या विद्यार्थ्यांची शिष्यवृत्ती परीक्षा घेतली जाणार आहे.याबाबत शिक्षण विभागाने सविस्तर परिपत्रक जाहीर केले असून परीक्षा परिषदेच्या संकेतस्थळावर उपलब्ध आहे.
