संच मान्यतेचा प्रश्न सुटणार ? शिक्षणमंत्र्यासोबत बुधवारी मुंबईत बैठक 

एज्युवार्ता न्यूज नेटवर्क 

मागील वर्षभरापासून संच मान्यतेचा (Set recognition) मुद्दा ऐरणीवर आला आहे. शासनाच्या संच मान्यतेच्या निर्णयाला शिक्षण संघटनांनी कडाडून विरोध दर्शवला आहे. त्यांसर्भात येत्या बुधवारी राज्य प्राथमिक शिक्षक संघाची (State Primary Teachers Union) शालेय शिक्षणमंत्री दादा भुसे (Education Minister Dada Bhuse) यांच्यासह मुंबई येथे महत्त्वाची बैठक (Important meeting in Mumbai) पार पडणार आहे. या बैठकीत संच मान्यतेचा प्रश्न मार्गी लागण्याची शक्यता वर्तवण्यात येत आहे. 

शिवाजीराव पाटील प्रणित महाराष्ट्र राज्य प्राथमिक शिक्षक संघाच्या मुंबई येथे होणाऱ्या कार्यकारी मंडळ सभेस शिक्षकांनी उपस्थित राहण्याचे आवाहन शिक्षक नेते बापूसाहेब तांबे यांनी केले आहे. बुधवारी मार्च १९ रोजी सकाळी ९ ते १ या वेळेत मुंबईतील यशवंतराव चव्हाण सेंटर येथे ही बैठक पार पडणार आहे. यावेळी शिक्षणमंत्री दादा भुसे, ग्रामविकास मंत्री जयकुमार गोरे, शिक्षण राज्यमंत्री पंकज भोयर, गृहराज्यमंत्री योगेश कदम, शिक्षक आमदार निरंजन डावखरे, राज्य नेते माधवराव पाटील, शिक्षक संघाचे राज्याध्यक्ष केशवराव जाधव, आदी उपस्थित राहणार आहेत. 

या असणार प्रमुख मागण्या.. 

१५ मार्च २०२४ चा संचमान्यतेचा निर्णय रद्द करावा. प्राथमिक शिक्षकांना मुख्यालय निवासाची सक्ती रद्द करावी. शिक्षकांना आश्वासित प्रगती योजना लागू करणे, नगरपालिका, महापालिकांमधील शिक्षकांच्या वेतनाचे शंभर टक्के अनुदान शासनाने द्यावे. त्यांचे वेतन शालार्थ प्रणालीत उबेर' अंतर्गत करावे, शिक्षणसेवक पद रद्द करावे, सर्व शिक्षकांना सरसकट पदवीधर वेतनश्रेणी मिळावी, शालेय पोषण आहार योजना स्वतंत्र यंत्रणेकडे सोपवावी, अशा प्रमुख मागण्यांसह अनेक विषयांवर या ठिकाणी चर्चा होणार आहे.