शिक्षिकेची काढली छेड; शाळेतच  मुख्याध्यापकाची धुलाई

एज्युवार्ता न्यूज नेटवर्क 

मागील आठवड्यापासून शाळेत घडणाऱ्या घटनांमुळे राज्यासह संपूर्ण देश हादरला आहे. राज्याची कायदा आणि सुव्यवस्था (Law and order) सुरळीत करण्यासाठी गृह विभागाची प्रतिष्ठा पणाला लागली असतानाच आता आणखीन एक घटना समोर आली आहे. कोल्हापूर जिल्ह्यातील (Kolhapur District News) कोरोची येथील जिल्हा परिषद शाळेत शिक्षिकेची छेड (Teasing the teacher) काढल्यामुळे तेथील मुख्याध्यापकाला (Beating the principal) गावकऱ्यांनी चांगलाच चोप दिला आहे. शाळेत घडणाऱ्या घटनांची मालिका संपणार आहे की नाही? असा प्रश्न यानिमित्ताने पुन्हा एकदा समोर आला आहे. 

शाळेतील महिला मदतनीस आणि शिक्षिकेची छेड काढल्या प्रकरणी नागरिकांनी शाळेत जाऊन मुख्याधापकाची धुलाई केली आहे. कोल्हापुरातील कोरोची येथील जिल्हा परिषद शाळेतील ही घटना आहे. छेडछाड केल्याची माहिती सदरील शिक्षिका आणि मदतनीस यांना गावकऱ्यांना सांगितली. त्यानंतर संतप्त गावकऱ्यांनी थेट मुख्याध्यापकावर हात उचलला. 

महिला मदतनीस आणि शिक्षिकेची छेड काढल्याप्रकरणी नागरिकांनी मुख्याध्यापकाला जाब विचारला. त्यानंतर नागरिकांनी मुख्याधापकाची धुलाई केल्याचा प्रकार  समोर आला आहे. या मुख्याधापकाला चोप दिल्याचा  व्हिडिओ सध्या सोशल मीडियावर व्हायरल झाला आहे. या व्हायरल व्हिडिओनंतर नेटकऱ्यांकडून मुख्याधापकावर कारवाईची मागणी केली जात आहे.