IIT कानपूरने बनवले आत्मघातकी ड्रोन; मोठा विध्वंस करण्याची क्षमता, सैन्यदलाची ताकद वाढणार
पुढील सहा महिन्यात याच्या अंतिम चाचण्या पूर्ण होतील. याची लांबी सुमारे दोन मीटर असून हे फोल्डेबल ड्रोन आहे. यात कॅमेरा आणि इन्फ्रारेड सेन्सर बसवण्यात आले आहे.
eduvarta@gmail.com 
एज्युवार्ता न्यूज नेटवर्क
तंत्रज्ञानाच्या क्षेत्रात नवनवीन प्रयोग करून नवीन पायंडा पाडणाऱ्या देशातील IIT संस्था (Indian Institute of Technology) आता भारतीय सैन्य दलाला (Indian Army) अधिक सक्षम करण्यासाठी पुढे सरसावल्या आहेत. IIT कानपूरने (IIT Kanpur) आधुनिक तंत्रज्ञानाचा वापर करून आत्मघातकी ड्रोन (Suicide Drone) बनवले आहे. या ड्रोनचे वैशिष्ठ म्हणजे शत्रूचे रडार (Radar) हे ड्रोन पकडू शकत नाही. या ड्रोन मध्ये सहा किलोग्रॅम वजनाची स्फोटके ठेवली जाऊ शकतात. त्यामुळे शत्रुच्या ठिकाणी मोठा विध्वंस करण्याची क्षमता या ड्रोनमध्ये असल्याचे सांगितले जात आहे.
एरोस्पेस विभागाचे सहाय्यक प्राध्यापक सुब्रमण्यम सदरला यांनी याविषयी माहिती दिली आहे. ते म्हणाले, "आम्ही हे ड्रोन डीआरडीओच्या डीवायएसएल प्रकल्पांतर्गत गेल्या एक वर्षापासून तयार करत आहोत, पुढील सहा महिन्यात याच्या अंतिम चाचण्या पूर्ण होतील. याची लांबी सुमारे दोन मीटर असून हे फोल्डेबल ड्रोन आहे. यात कॅमेरा आणि इन्फ्रारेड सेन्सर बसवण्यात आले आहे. हे कॅनिस्टर किंवा कॅटपल्टमधून लॉन्च केले जाऊ शकते. हे ड्रोन आर्टिफिशियल इंटेलिजन्सच्या मदतीने शत्रूवर हल्ला करेल."
शालेय शिक्षणात महाराष्ट्राची घसरण का? शिक्षण आयुक्त सूरज मांढरेंनी सांगितले कारण...
"हे आत्मघातकी ड्रोन शत्रूच्या तळावर १०० कि. मी. च्या अंतरावरूनही हल्ला करू शकते. शत्रूने जीपीएस ब्लॉक केला तरी हा ड्रोन शत्रूवर हल्ला करेल. प्रक्षेपणानंतर ४० मिनिटांत ते शत्रूच्या १०० किलोमीटरच्या परिसरात घुसून प्रचंड विनाश घडवू शकते," असा दावा प्रा. सदरला यांनी केला आहे.
"ड्रोनला स्टेल्थ तंत्रज्ञान देण्यात आले आहे. जेणेकरून शत्रूचे रडार किंवा कॅमेरा या ड्रोनला पाहू शकणार नाही. हे ड्रोन किमान १०० मीटर आणि जास्तीत जास्त ४.५ किलोमीटर उंचीपर्यंत उडू शकते. त्याच्या मदतीने शत्रूवर कोणत्याही उंचीवरून हल्ला केला जाऊ शकतो. एवढेच नाहीतर या ड्रोनने रात्रीच्या वेळीही हल्ला करता येऊ शकतो. हे ड्रोन बनवण्यासाठी डिफेन्स कॉरिडॉर अंतर्गत निधी मिळाला होता," अशी माहिती प्रा. सदरला यांनी दिली.
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
