विनापरवाना लोगोचा वापर तात्काळ थांबवा, अन्यथा कडक कारवाईचा UGC चा इशारा..

एज्युवार्ता न्यूज नेटवर्क 

विद्यापीठ अनुदान आयोगाने (UGC) शिक्षण क्षेत्राशी संबंधित खासगी संस्थांचा लोगो विनापरवाना (Unlicensed logo of private organizations) वापरणाऱ्यांविरोधात कडक कारवाई करण्याचा इशारा (Warning of strict action) दिला आहे. त्याचबरोबर असे करणाऱ्या संस्थांना ताकीद देण्यात आली असून, त्यांनी लवकरच त्यांच्या साईन बोर्ड आणि लेटर हेडवरून गैरवापर होत असलेले लोगो काढून टाकावेत, अन्यथा त्यांच्यावर कडक कारवाई करण्यात येईल, असे सांगितले आहे. ज्यामध्ये फसवणूक झाल्यास त्यांच्यावर कायदेशीर आणि पोलिस कारवाई केली जाऊ शकते. 

बोधचिन्ह आणि नावाचा गैरवापर करून विद्यार्थ्यांची फसवणूक करणाऱ्या देशातील सुमारे डझनभर खासगी संस्थांबाबत आयोगाकडे नुकत्याच तक्रारी आल्या आहेत. आयोगाने सांगितले की, त्याच्याशी संलग्न असलेल्या सर्व संस्थांची यादी त्यांच्या वेबसाइटवर उपलब्ध आहे. अशा परिस्थितीत या संस्थांमध्ये प्रवेश घेण्यापूर्वी यूजीसीच्या वेबसाइटवर संस्था नक्की तपासल्या पाहिजेत. यूजीसीने यापूर्वी देशात सुरू असलेल्या २० बनावट विद्यापीठांची ओळख पटवली होती. नंतर त्यांना बनावट विद्यापीठे घोषित करण्याची कारवाईही करण्यात आली.

येत्या काही दिवसांत उच्च शैक्षणिक संस्था अधिकाधिक विद्यार्थ्यांना उच्च शिक्षणाशी कशा जोडू शकतील, त्यांच्या गुणांची छाप जगभर कशी सोडू शकतील, याबाबत विद्यापीठ अनुदान आयोग (यूजीसी) देशभरातील उच्च शिक्षण संस्थांशी सल्लामसलत करणार आहे. शैक्षणिक संस्थांमध्ये नेतृत्व कार्यक्रम सुरू करण्याची तयारी सुरू आहे. ज्यामध्ये उच्च शैक्षणिक संस्थांना केवळ क्षमता वाढीसाठीच मदत केली जाणार नाही तर त्यांचे संशोधन आणि शैक्षणिक उपक्रमही संपूर्ण जगापर्यंत नेले जातील.