Five Year Law : पाच वर्षे लॉ अभ्यासक्रम प्रवेशाचे वेळापत्रक जाहीर

एज्युवार्ता न्यूज नेटवर्क 

राज्य सामायिक प्रवेश परीक्षा कक्षातर्फे (State Common Entrance Test Cell) पाच वर्षे विधी अभ्यासक्रमाच्या (five year law course)प्रवेश प्रक्रियेला (admission process)सुरुवात करण्यात आली आहे. विद्यार्थी 8 जुलै ते 13 जुलै या कालावधीत प्रवेश अर्ज नोंदणी करू शकतात. प्रवेश प्रक्रियेचे सविस्तर वेळापत्रक (Detailed schedule of admission process) सीईटी सेलच्या (CET Cell) https://cetcell.mahacet.org/ संकेतस्थळावर उपलब्ध करून देण्यात आले आहे.

सीईटी सेलच्या माध्यमातून काही दिवसांपूर्वी विविध अभ्यासक्रमांच्या प्रवेशाचे संभाव्य वेळापत्रक प्रसिद्ध करण्यात आले होते. विधी अभ्यासक्रमाच्या प्रवेशासाठी नोंदणी करणाऱ्या विद्यार्थ्यांना कागदपत्र ऑनलाइन अपलोड करावे लागणार असून या कागदपत्रांची तपासणी 8 ते 14 जुलै या कालावधीत केली जाणार आहे. विद्यार्थ्यांची पहिल्या प्रवेश फेरीसाठी तात्पुरती गुणवत्ता यादी 15 जुलै रोजी प्रसिद्ध केले जाणार आहे तर अंतिम गुणवत्ता यादी 19 जुलै रोजी प्रसिद्ध केली जाणार आहे.NRI व PIO कोट्यातील प्रवेशासाठी विद्यार्थी 8 जुलै ते 25 जुलै या कालावधीत नोंदणी करू शकतात.

पाच वर्ष विधी अभ्यासक्रमाच्या प्रवेशासाठी इच्छुक असणाऱ्या विद्यार्थ्यांनी प्रवेश प्रक्रियेच्या अधिक माहितीसाठी सीईटी सेलच्या https://cetcell.mahacet.org/  संकेतस्थळावर प्रसिद्ध करण्यात आलेले सविस्तर वेळापत्रक पाहावे.