पीएच.डी. संशोधन केंद्र म्हणून महिला अभियांत्रिकी महाविद्यालयाला सावित्रीबाई फुले पुणे विद्यापीठाची मान्यता

एज्युवार्ता न्यूज नेटवर्क

भारती विद्यापीठाच्या महिला अभियांत्रिकी महाविद्यालयास (Bharati University's Women's College of Engineering) सावित्रीबाई फुले पुणे विद्यापीठाकडून (Savitribai Phule Pune University) पीएच.डी. संशोधन केंद्र (PhD Research Centre) म्हणून नवीन मान्यता (Recognition) प्राप्त झाली आहे. विद्यापीठाच्या शैक्षणिक विभागाच्या संलग्नता कक्षामार्फत देण्यात आलेल्या पत्रानुसार ही मान्यता विज्ञान व तंत्रज्ञान विभागातील -इलेक्ट्रॉनिक्स अँड टेलिकम्युनिकेशन या विषयासाठी (For the subject of Electronics and Telecommunication in the Department of Science and Technology) शैक्षणिक वर्ष २०२५–२०२६ पासून देण्यात आली आहे.

या मान्यतेनंतर महाविद्यालयात विद्यापीठाच्या नियमांनुसार पीएच.डी. संशोधनास अधिकृत मान्यता प्राप्त झाली आहे. यामुळे संशोधन कार्याला अधिक गती मिळणार आहे.

या यशामध्ये प्राचार्य डॉ. प्रदीप जाधव यांचे विशेष योगदान असून त्यांनी सातत्याने आवश्यक दस्तऐवज, संवाद व प्रस्ताव पाठवून विद्यापीठाकडून ही मान्यता मिळवण्यासाठी अथक प्रयत्न केले. संशोधनाच्या विकासासाठी त्यांनी वेळोवेळी धोरणात्मक योजना आखल्या आणि महाविद्यालयाला उच्च शैक्षणिक स्तरावर नेण्यासाठी भरीव भूमिका बजावली. उपप्राचार्य डॉ. अविनाश पवार व उपप्राचार्या डॉ. सुवर्णा चोरगे यांचे विशेष सहकार्य लाभले

या संपूर्ण प्रक्रियेत भारती विद्यापीठाच्या व्यवस्थापन मंडळाचे मार्गदर्शन व पाठबळ मोलाचे ठरले. भारती विद्यापीठाचे कार्यवाह व भारती विद्यापीठ अभिमत विश्वविद्यालयाचे प्र-कुलगुरू मा. डॉ. विश्वजीत कदम यांच्या दूरदृष्टीतून ही प्रगती शक्य झाली, तर भारती विद्यापीठ अभिवादन विश्वविद्यालयाचे कुलगुरू मा. डॉ. शिवाजीराव कदम त्याचबरोबर भारती विद्यापीठ हेल्थ सायन्सेसच्या कार्यकारी संचालिका मा. डॉ. अस्मिता जगताप आणि भारती विद्यापीठाचे सहकार्यवाह मा. डॉ. के. डी. जाधव यांनी वेळोवेळी दिलेले मार्गदर्शन, सहकार्य आणि प्रेरणा यामुळे संशोधन केंद्रासाठी आवश्यक असलेली पायाभूत तयारी सहज साध्य झाली. त्यांच्या सहकार्यामुळेच महाविद्यालयास ही मान्यता प्राप्त होऊ शकली.

संशोधन कार्यात विद्यार्थी आणि मार्गदर्शक यांना स्थानिक पातळीवर सुविधा, साधनसंपत्ती आणि मार्गदर्शन मिळणार असून, अभियांत्रिकी शिक्षणाचा दर्जा उंचावण्यास ही मान्यता उपयुक्त ठरणार आहे.