एसएससी कॉन्स्टेबल जीडी निकाल २०२५ जाहीर

एज्युवार्ता न्यूज नेटवर्क

स्टाफ सिलेक्शन कमिशनने (SSC) १७ जून रोजी कॉन्स्टेबल (जनरल ड्युटी) पदांसाठी (Constable (General Duty)) अंतिम निकाल (result) जाहीर केला आहे. परीक्षेला बसलेले उमेदवार आता त्यांचे स्कोअरकार्ड https://ssc.gov.in/ या किंवा https://ssc.nic.in/ या अधिकृत वेबसाइटवरुन तपासू शकतात.

एसएससीने यावर्षी सीमा सुरक्षा दल (बीएसएफ), केंद्रीय औद्योगिक सुरक्षा दल (सीआयएसएफ), केंद्रीय राखीव पोलिस दल (सीआरपीएफ), सशस्त्र सीमा बल (एसएसबी), इंडो-तिबेटी सीमा पोलिस (आयटीबीपी), आसाम रायफल्स (एआर) मध्ये रायफलमन (जनरल ड्युटी), सचिवालय सुरक्षा दल (एसएसएफ) आणि नार्कोटिक्स कंट्रोल ब्युरो (एनसीबी) मध्ये शिपाई या पदांसाठी ५३ हजार ६९० रिक्त पदांसाठी परीक्षा घेतल्या होत्या.

या पदांसाठीच्या परीक्षा ४ ते २५ फेब्रुवारी २०२५ दरम्यान घेण्यात आल्या. लेखी परीक्षेत पात्र ठरलेल्या उमेदवारांना शारीरिक चाचणी द्यावी लागणार आहे. या भरती प्रक्रियेत संगणक आधारित परीक्षा (CBE), शारीरिक मानक चाचणी (PST), शारीरिक कार्यक्षमता चाचणी (PET), वैद्यकीय तपासणी आणि कागदपत्र पडताळणी यांचा समावेश आहे. उमेदवारांची त्यांच्या राज्य, क्षेत्र आणि श्रेणीनुसार CBT पद्धतीने त्यांच्या गुणवत्तेनुसार निवड केली जाईल.

एसएससी कॉन्स्टेबल (जीडी) २०२५ निकाल तपासण्यासाठी अधिकृत वेबसाइटला भेट द्या. तुमचे वापरकर्तानाव आणि पासवर्ड वापरून लॉगिन करा. निकाल पहा आणि डाउनलोड करा.

दरम्यान, या भरतीमध्ये उपलब्ध असलेल्या एकूण ५३ हजार ६९० पदांपैकी १६ हजार ५७१ पदे सीआयएसएफसाठी, १६ हजार ३७१ पदे बीएसएफसाठी, १४ हजार ३५९ पदे सीआरपीएफसाठी, ३ हजार ४६८ पदे आयटीबीपीसाठी, १ हजार ८६५ पदे एआरसाठी आणि ९०२ पदे एसएसबीसाठी आहेत.