SPPU : कौशल्य विकास प्रशिक्षणातून रोजगारक्षम बनण्याची संधी; अभ्यासक्रमांना उत्स्फूर्त प्रतिसाद
सावित्रीबाई फुले पुणे विद्यापीठाने मारुती सुझुकी इंडिया लिमिटेड सोबत सामंजस्य करार करत नवीन बी. व्होक रिटेल मॅनेजमेंट हा अभ्यासक्रम २०२१ - २२ पासून सुरु केला आहे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाच्या (SPPU) बी. व्होक. मधील रिटेल मॅनेजमेंट (B.Voc. Retail Management) अभ्यासक्रमाच्या २९ विध्यार्थ्यांना विद्यापीठाचे व्यवस्थापन परिषदेचे सदस्य रवींद्र शिंगणापूरकर यांच्या हस्ते लेटर ऑफ इंटर्नशिप (Letter of Internship) प्रदान करण्यात आले. विद्यापीठाच्या कौशल्य विकास केंद्रामार्फत (Skill Devlopment Centre) हा अभ्यासक्रम चालविला जातो. गरीब विध्यार्थ्यांना कौशल्य विकासाचे प्रशिक्षण देऊन रोजगाराक्षम बनविण्यासाठी बँकॉक येथील एका नामवंत कंपनीसोबत केंद्राचा सामंजस्य करार लवकरच होणार आहे.
कार्यक्रमाला कौशल्य विकास केंद्राचे संचालक डॉ. राधाकृष्ण पंडित, प्राध्यापक व अभ्यासक्रमाचे समन्वयक डॉ. रवी आहुजा, डॉ. धनंजय मुंडे, रितु छाब्रा तसेच मारुती सुझुकी समूहाचे गुडगाव, हरियाणा येथील व्यवस्थापक योगेश श्रीवास्तव, अंकुर डिगरा, सुशील वैद्य आणि पुण्यातील मारुती सुझुकी समूहाचे एकूण १६ वितरक व त्यांचे प्रतिनिधी उपस्थित होते. अभ्यासक्रमामुळे विध्यार्थ्यांचा सर्वांगीण विकास होत असून यामार्फत स्वावलंबी बनत त्यांना अर्थार्जनाची संधीही प्राप्त होत आहे. भविष्यात यामध्ये विविध उद्योग समूहासोबत सामंजस्य करार करून याचा विस्तार करण्यात येईल, असे रवींद्र शिंगणापूरकर यांनी यावेळी सांगितले.
अखेर ‘कृषी’ची प्रवेश प्रक्रिया सुरू; नऊ पदवी अभ्यासक्रमांमध्ये घेता येणार प्रवेश
यावेळी डॉ. राधाकृष्ण पंडित म्हणाले, विद्यार्थ्यांना आत्मनिर्भर बनण्यासाठी व स्वतःचा सर्वांगीण विकास करण्यासाठी कौशल्य विकासावर आधारित अभ्यासक्रमास प्राधान्य देऊन स्वतःचा पर्यायाने समाजाचा व देशाचा विकास करण्यास हातभार लागेल आणि विद्यार्थी स्वावलंबी होईल.आज लेटर ऑफ इंटर्नशिप प्रदान झालेल्या सर्व विध्यार्थ्यांना प्रत्येकी नऊ हजार रुपये विद्यावेतन मारुती सुझुकी उद्योग समूहाकडून मिळणार आहे. तसेच समाजातील गरीब विध्यार्थ्यांना कौशल्य विकासाचे प्रशिक्षण देऊन रोजगाराक्षम बनविण्यासाठी बँकॉक येथील एक नामवंत इंडस्ट्रीसोबत विद्यापीठाच्या कौशल्य विकास केंद्राचा सामंजस्य करार लवकरच होणार आहे.
सावित्रीबाई फुले पुणे विद्यापीठाने मारुती सुझुकी इंडिया लिमिटेड सोबत सामंजस्य करार करत नवीन बी. व्होक रिटेल मॅनेजमेंट हा अभ्यासक्रम २०२१ - २२ पासून सुरु केला आहे. यावर्षी या अभ्यासक्रमामार्फत दुसऱ्या बॅचला लेटर ऑफ इंटर्नशिप प्रदान झाल्यामुळे त्यांना प्रत्यक्ष काम करत शिक्षण घेण्याची संधी प्राप्त झाली आहे.
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
