BAMU : हिवाळी सत्र परीक्षेतील साडे तीन लाख विद्यार्थ्यांचे निकाल जाहीर

एज्युवार्ता न्यूज नेटवर्क 

डॉ. बाबासाहेब आंबेडकर मराठवाडा विद्यापीठ छत्रपती संभाजीनगर (Dr. Babasaheb Ambedkar Marathwada University) आणि संलग्न महाविद्यालयातील लाखो विद्यार्थी मागील काही दिवसांपासून हिवाळी सत्र परीक्षेच्या निकालाची प्रतीक्षा करत होते. अखेर विद्यापीठाने १७७ कोर्सच्या ३ लाख ५५ हजार ९९२ विद्यार्थ्यांच्या विविध परीक्षांचे निकाल जाहीर (Exam results announced) केल्याची माहिती परीक्षा संचालक डॉ. भारती गवळी यांनी दिली आहे. त्याशिवाय दुसऱ्या सत्रातील परीक्षा २ एप्रिल पासून सुरुवात (Second semester exams begin from April 2) करून ४० दिवसांच्या आत संपूर्ण परीक्षा संपवण्याच्या दृष्टीने नियोजन करण्यात येत असल्याचे त्यांनी सांगितले. 

डॉ. बाबासाहेब आंबेडकर मराठवाडा विद्यापीठाकडून नवीन राष्ट्रीय शैक्षणिक धोरणासह २०१४ पासून प्रलंबित असलेल्या विद्यार्थ्यांच्या परीक्षा घेण्यात आल्या होत्या. विद्यापीठाच्या एकूण १७९ अभ्यासक्रमापैकी एम. एसस्सी केमिस्ट्री व मॅथेमॅटिक्सचा निकाल अद्याप बाकी आहेत. इतर सर्व १७७ अभ्यासक्रमाचे निकाल जाहीर करण्यात आले आहेत. 

राज्यात पार पडलेल्या निवडणुकींमुळे विद्यापीठाच्या परीक्षा पुढे ढकलण्यात आल्या होता. त्यामुळे परीक्षा व निकाल जाहीर होण्यास एकूणच विलंब झाल्याचे दिसून आले.  लेखी परीक्षेसाठी ३० व अंतर्गत चाचण्यासाठी २० गुण देण्यात येत आहेत. या ३० गुणांमध्ये दहा गुणांचे ऑब्जेटिव्ह आहेत. ५ गुणांचे दोन प्रश्न व १० गुणांसाठी एक प्रश्न, असे या परीक्षेचे स्वरूप आहे. या परीक्षेसाठी उत्तरपत्रिकाही १६ पानांपेक्षा कमी देता येत नाही. त्याचा आर्थिक फटका बसत असल्याची माहिती विद्यापीठाकडून देण्यात आली आहे.