महाराष्ट्र राज्य विद्युत वितरण कंपनीत 300 पदांकरिता भरती सुरु
या भरतीसाठी अर्ज करण्याची शेवटची तारीख 22 डिसेंबर 2025 आहे. परीक्षाची तारीख नंतर कळवण्यात येईल, असे जाहिरातीत म्हटले आहे. अर्ज करणाऱया उमेदवारांसाठी शैक्षणिक पात्रता बीई, बीटेक (इलेक्ट्रिक) आणि सिव्हील तसेच 7 वर्षांचा अनुभव असणे आवश्यक आहे.
eduvarta@gmail.com 
एज्युवार्ता न्यूज नेटवर्क
वीज वितरण नोकरी करू इच्छिणाऱ्या उमेदवारांसाठी महत्त्वाी बातमी समोर आली आहे. महाराष्ट्र राज्य विद्युत वितरण कंपनी (State Electricity Distribution Company Recruitment) लिमिटेड अंतर्गत “अतिरिक्त कार्यकारी अभियंता, उपकार्यकारी अभियंता, वरिष्ठ व्यवस्थापक, व्यवस्थापक, उपव्यवस्थापक” पदाच्या 300 रिक्त जागा (Recruitment process for 300 posts has started) भरण्यात येत आहेत. पदांनुसार पात्र असणाऱ्या उमेदवारांकडून अर्ज मागविण्यात येत आहे. अर्ज ऑनलाईन पद्धतीने करायचा आहे. अर्ज करण्याची शेवटची तारीख 22 डिसेंबर 2025 (Deadline December 22, 2025) आहे. अर्ज भरण्यासाठी उमेदवारांना अधिकृत संकेतस्थळ https://www.mahadiscom.in वर जावे लागणार आहे.
हेही वाचा - कृषी विद्यापीठाती रिक्त पदे मार्च पर्यंत भरणार; कृषीमंत्र्यांची विधानसभेत माहिती
या भरती मोहिमेअंतर्गत एकूण 300 पदे भरण्यात येणार आहेत. पदांसाठी भरती सुरू करण्यात आली आहे. या पदांमध्ये अतिरिक्त कार्यकारी अभियंता पदांच्या 94 जागा, अतिरिक्त कार्यकारी अभियंताच्या 5 जागा, उपकार्यकारी अभियंता पदांच्या 69 जागा, उपकार्यकारी अभियंता (सिव्हील) पदांच्या 12 जागा, वरिष्ठ व्यवस्थापक पदांच्या 13 जागा, व्यवस्थापक पदांच्या 25 जागा आणि उपव्यवस्थापक पदांच्या 82 अशा एकूण 300 जागा आहेत.
या भरतीसाठी अर्ज करण्याची शेवटची तारीख 22 डिसेंबर 2025 आहे. परीक्षाची तारीख नंतर कळवण्यात येईल, असे जाहिरातीत म्हटले आहे. अर्ज करणाऱया उमेदवारांसाठी शैक्षणिक पात्रता बीई, बीटेक (इलेक्ट्रिक) आणि सिव्हील तसेच 7 वर्षांचा अनुभव असणे आवश्यक आहे. नोकरीचे ठिकाण संपूर्ण महाराष्ट्र असणार आहे. खुल्या प्रवर्गातील उमेदवारांना ऑनलाइन अर्जासोबत 500 रुपये प्लस जीएसटी आणि मागासवर्गीय उमेदवारांसाठी 250 रुपये प्लस जीएसटी भरावे लागणार आहे. भरतीसंबंधी सविस्तर माहिती अधिकृत वेबसाईट https://www.mahadiscom.in वर देण्यात आली आहे.
