प्रियदर्शनी शाळेची 100 टक्के निकालाची वैभवशाली परंपरा कायम; गुणवत्तेचा नवा उच्चांक

एज्युवार्ता न्यूज नेटवर्क 

भोसरी इंद्रायणीनगर येथील प्रियदर्शनी (Priyadarshani school) शाळेच्या विद्यार्थ्यांनी एसएससी बोर्डाच्या दहावीच्या परीक्षेत (10th Exam)घवघवीत यश संपादन करत यंदाही 100 टक्के निकालाची (100 percent result) वैभवशाली परंपरा कायम राखली आहे. शाळेतील एकूण 210 विद्यार्थी परीक्षेला बसले होते.त्यातील 36 विद्यार्थ्यांनी 90 टक्क्यांपेक्षा जास्त गुण मिळवले आहेत.तर 156 विद्यार्थी  विशेष प्राविण्‍य,प्रथम श्रेणीत 29, द्वितीय श्रेणीत 11 विद्यार्थी उत्तीर्ण झाले आहेत.

या यशस्वी विद्यार्थ्यांमध्ये गौरवी हनुमंत पवार हिने 97.40 टक्के गुण मिळवत प्रथम क्रमांक पटकावला असून अनुजा संदीप पाटील हिने 97 टक्के गुण मिळवून द्वितीय क्रमांक तर निशिता नवनाथ कुरले  हिने 95.80 टक्के गुण प्राप्त करत तृतीय क्रमांक पटकावला आहे.शाळेच्या निकालात विद्यार्थ्यांनी दरवर्षी प्रमाणे यंदाही चांगली कामगिरी दाखवली जाते आहे.त्या बद्दल पालकांकडून विद्यार्थी व शाळेच्या शिक्षकांचे कौतुक केले जात आहे. 

विद्यार्थ्यांच्या या उल्लेखनीय यशामध्ये शाळेच्या संस्थापिका श्रीमती तरुणा सिंग ,व्यवस्थापकीय संचालक डॉ. राजेंद्र सिंग ,नरेंद्र सिंग यांचे मोलाचे योगदान लाभले आहे. शिक्षकांचे योग्य मार्गदर्शन ,अभ्यासातील सातत्य ,विद्यार्थ्यांचे प्रयत्न आणि शिस्त यामुळे विद्यार्थ्यांना हे यश मिळाले, असे मत शाळेच्या मुख्याध्यापिका अर्पिता दीक्षित ,उपमुख्याध्यापिका चैत्राली घोष सिन्हा यांनी व्यक्त केले आहे.