विवेकानंद शैक्षणिक संस्थेच्या विधी महाविद्यालयात विधी स्वयंसेवक प्रशिक्षण
जिल्हा विधी सेवा प्राधिकरणचे, अनंत देशमुख यांनी विविध योजनांची तसेच या प्रशिक्षणाचे महत्त्व काय आहे, याची विवेकानंद विधी महाविद्यालयाच्या विद्यार्थ्यांना माहिती दिली.
eduvarta@gmail.com 
एज्युवार्ता न्यूज नेटवर्क
मुंबई येथील चेंबूरमधील विवेकानंद विधी महाविद्यालय (Vivekananda Law College) आणि प्रेरणा सामाजिक संस्था (prerana social organization) यांच्या संयुक्त विद्यमाने विवेकानंद शैक्षणिक संस्थेच्या विधी महाविद्यालयात विधी स्वयंसेवक प्रशिक्षण (Para Legal Volunteer Training) चे आयोजन करण्यात आले. प्रशिक्षणाचे उद्घाटन मुंबई सत्र न्यायालयाचे न्यायाधीश प्रधान अनिल सुब्रमनियम (Justice Anil Subramaniam) यांच्या हस्ते करण्यात आले.
यावेळी जिल्हा विधी सेवा प्राधिकरणचे, अनंत देशमुख यांनी विविध योजनांची तसेच या प्रशिक्षणाचे महत्त्व काय आहे,याची विवेकानंद विधी महाविद्यालयाच्या विद्यार्थ्यांना माहिती दिली. या प्रशिक्षणामध्ये विविध विषयातील तज्ञाचे मार्गदर्शन विवेकानंद विधी महाविद्यालयाच्या विद्यार्थ्यांना लाभले. यावेळी विवेकानंद विधी महाविद्यालयाच्या विद्यार्थ्यांनी आणि सामाजिक संस्थेच्या सेवकांनी आशा एकूण 94 जणांनी प्रशिक्षणाचा लाभ घेतला.
सदरील प्रशिक्षण यशस्वीरीत्या पार पाडण्यासाठी विवेकानंद विधी महाविद्यालयाच्या प्राचार्या डॉ. मोहिनी गुप्ते, डॉ. स्वप्नील चौधरी, प्रेरणा भंडारी, शोभा शिंदे, विद्यार्थी संघटनेचे पदाधिकारी शिवम यादव, कुणाल गुप्ता, तसेच प्रेरणा सामाजिक संस्थेच्या रश्मी टेलर आणि पूजा यादव यांचे सहकार्य लाभले.
