उच्च शिक्षणासाठी ONGC कडून शिष्यवृत्तीची घोषणा !
अर्जाचा फॉर्म ONGC च्या अधिकृत वेबसाइट ongcscholar.org वर उपलब्ध आहे. या शिष्यवृत्तीसाठी फॉर्म भरण्याची अंतिम तारीख ३० नोव्हेंबर २०२४ निश्चित करण्यात आली आहे.
eduvarta@gmail.com 
एज्युवार्ता न्यूज नेटवर्क
ऑइल अँड नॅचरल गॅस कॉर्पोरेशन (Oil and Natural Gas Corporation) ONGC फाउंडेशनच्या वतीने शिष्यवृत्तीसाठी अर्ज आमंत्रित करण्यात आले आहेत. (Applications are invited for the scholarship) अनुसूचित जाती (SC), अनुसूचित जमाती (ST), इतर मागासवर्ग (OBC) आणि सामान्य प्रवर्गातील आर्थिकदृष्ट्या दुर्बल घटकातील आणि गुणवंत असलेले उमेदवार (Candidates from economically weaker section and meritorious) या शिष्यवृत्तीसाठी अर्ज करू शकतात. ओएनजीसीने प्रसिद्ध केलेल्या अधिसूचनेनुसार, उमेदवार व्यावसायिक अभ्यासक्रम अभियांत्रिकी (Vocational Course Engineering), एमबीबीएस (MBBS), व्यवस्थापन (Management), भूविज्ञान आणि भूभौतिकशास्त्रातील (Geology and Geophysics) पदव्युत्तर पदवीसाठी अर्ज करू शकतात. (Can apply for Master's degree) यामध्ये सहभागी होण्यासाठी केवळ ऑनलाइन पद्धतीनेच अर्ज सादर करता येतील.
अर्जाचा फॉर्म ONGC च्या https://ongcscholar.org/ या अधिकृत वेबसाइटवर उपलब्ध आहे. या शिष्यवृत्तीसाठी फॉर्म भरण्याची अंतिम तारीख ३० नोव्हेंबर २०२४ निश्चित करण्यात आली आहे.
या शिष्यवृत्तीचा अर्ज करण्यासाठी, उमेदवारांनी शैक्षणिक वर्ष 2024-25 मध्ये अभ्यास केलेला असणे आवश्यक आहे. ज्या विद्यार्थ्यांनी पदवी अभ्यासक्रम पूर्ण केले आहेत आणि 12 वी किमान 60 टक्के गुणांसह उत्तीर्ण आहेत, असे विद्यार्थी या शिष्यवृत्तीसाठी पात्र असतील. पदव्युत्तर शिक्षण घेतलेल्या विद्यार्थ्याला पदवीमध्ये किमान ६० टक्के गुण मिळालेले असावेत. यासोबतच उमेदवाराची कमाल वयोमर्यादा ३० वर्षे असावी. 1 ऑगस्ट 2024 ही तारीख लक्षात घेऊन वयाची गणना केली जाईल.
या व्यतिरिक्त, SC/ST प्रवर्गातील उमेदवाराचे एकूण वार्षिक कौटुंबिक उत्पन्न 4.5 लाख रुपयांपेक्षा कमी असावे. OBC आणि Gen-EWS उमेदवारांसाठी एकूण वार्षिक उत्पन्न 2 लाख रुपये निश्चित करण्यात आले आहे.
शिष्यवृत्ती फक्त नियमित शिक्षण घेणाऱ्या विद्यार्थ्यांनाच दिली जाणार आहे. यासोबतच उमेदवाराने पूर्णवेळ अभ्यासक्रमाला प्रवेश घेतलेला असावा. अर्धवेळ अभ्यासक्रमांसाठी शिष्यवृत्ती दिली जाणार नाही.
