न्यू इंग्लिश स्कूलमध्ये नायलॉन मांजाची होळी
पतंग काटाकाटीच्या स्पर्धेत कापलेला मांजा विजेचे खांब, इमारतींचे रेलिंग किंवा झाडांमध्ये अडकतो. परिणामी, हाच मांजा अपघाताचे आणि हजारो पक्षांसाठी मृत्यूचे कारण ठरतो.
eduvarta@gmail.com 
एज्युवार्ता न्यूज नेटवर्क
पतंग उडवण्यासाठी नायलॉन किंवा चायनीज सिंथेटिक मांजाचा (Do not use Nylon or Chinese synthetic manja) वापर केला जाऊ नये म्हणून टिळक रोड येथील न्यू इंग्लिश स्कूलने(New English School at Tilak Road) आजूबाजूच्या परिसरात प्रबोधन फेरीचे (Enlightenment round) आयोजन करून प्रतिकात्मक मांजाची होळी करत जनजागृती (public awareness) केली.
मकरसंक्रांत सण जवळ आला की, मुले मोठ्या प्रमाणात पतंग उडवतात. यासाठी नायलॉन मांजाचा वापर केला जातो. पतंग काटाकाटीच्या स्पर्धेत कापलेला मांजा विजेचे खांब, इमारतींचे रेलिंग किंवा झाडांमध्ये अडकतो. परिणामी, हाच मांजा अपघाताचे आणि हजारो पक्षांसाठी मृत्यूचे कारण ठरतो. त्यामुळे नायलॉन, प्लास्टिक, काच, धातूचा चुरा आणि विविध रसायने लावलेला धोकादायक मांजा वापरू नये, असे विद्यार्थ्यांमार्फत आवाहन करण्यात आले.
यामध्ये राष्ट्रीय छात्र सेना, स्काऊट गाईडच्या दीडशेहून अधिक विद्यार्थ्यांनी सहभाग घेतला होता. शाळेच्या मुख्याध्यापिका सुनिता राव यांच्या मार्गदर्शनाखाली पर्यवेक्षक सुरेश वरगंटीवार, प्रवीण रांगोळे, हनुमंत तोडकर, विकास पढेर, पूनम पाटील यांनी या प्रबोधन फेरीचे संयोजन केले आहे.
