मुलगा-मुलगी भेद नको ; सर्वांनाच मोफत उच्च शिक्षण द्या ; ठाकरेंच्या शिवसेनेची मागणी
8 लाखांपेक्षा कमी उत्पन्न असलेल्या पालकांच्या मुला-मुलींना म्हणजे सर्वच विद्यार्थ्यांना मोफत शिक्षण द्यावे.
eduvarta@gmail.com 
एज्युवार्ता न्यूज नेटवर्क
मुलागा-मुलगी असा भेद न बाळगता सर्वांना मोफत शिक्षण द्यावे, (Free education for children) असा मुद्दा आज शिवसेना (उद्धव बाळासाहेब ठाकरे) (Shivsena Uddhav Balasaheb Thackeray) या पक्षाच्या आमदारांनी विधान परिषेदत (Legislature by MLAs) मांडला. येत्या शैक्षणिक सत्रापासून (Academic Session 2024) महाराष्ट्रातील सर्व मुलींना शिक्षण मोफत देण्यात येणार असल्याची घोषणा राज्याचे उच्च व तंत्रशिक्षण मंत्री चंद्रकांत पाटील यांनी दिवसांपुर्वी केली. त्यानंतर आता मुलांना सुध्दा मोफत शिक्षण द्यावे, या मागणीने जोर धरला आहे.
मंत्री चंद्रकांत पाटील यांच्या घोषणेनंतर गरीब कुटुंबातील मुलांनी व त्यांच्या पालकांनी नाराजी व्यक्त केली आहे. सरकारने मुलगा-मुलगी भेद न करता सर्वच गरीब विद्यार्थ्यांना मोफत शिक्षण द्यावे. आठ लाखांपेक्षा कमी उत्पन्न असलेल्या पालकांच्या मुला-मुलींना म्हणजे सर्वच विद्यार्थ्यांना मोफत शिक्षण द्यावे. ज्या पालकांचे उत्पन्न आठ लाखांच्या आत आहे, अशा मुलींना शैक्षणिक शुल्क माफी देण्यात आली आहे. ज्यांना आर्थिक अडचणीमुळे उच्च शिक्षण घेता येत नाही, अशा सर्व मुला-मुलींमध्ये भेद न करता शुल्क माफी द्यावी, असे मत आमदारांनी विधान परिषदेत मांडले.
जून २०२४ पासून महाराष्ट्रातील प्रत्येक मुलीला सर्व शिक्षण मोफत देण्यात येणार आहे. ज्या विद्यार्थ्यीनीला शिक्षणासाठी वसतिगृह मिळत नाही, त्यांना दरमहा 5 हजार 300 रुपये देण्यात येतील. महाराष्ट्रातील प्रत्येक मुलीला शिक्षण, प्रवास, राहाणे आणि जेवण मोफत देणार असल्याची घोषणा उच्च व तंत्रशिक्षण मंत्री चंद्रकांत पाटील यांनी केली आहे. त्यानंतर आता मुलगा-मुलगी असा भेद न करता सर्वांसाठी या शिक्षणाच्या सुविधा मोफत उपलब्ध करुन द्याव्यात, अशा मागणीने जोर धरला आहे. त्यामुळे येत्या काळात सरकार काय निर्णय घेते, हे पाहावे लागणार आहे.
