राज्यातील तब्बल ७ हजार शिक्षकांच्या नोकऱ्या धोक्यात ?

एज्युवार्ता न्यूज नेटवर्क

राज्य सरकारच्या कला शिक्षण मंडळाने (Art Education Board) नुकताच एक नवीन आदेश काढला (New order announced) आहे. यामुळे राज्यातील तब्बल ७ हजारांपेक्षा अधिक शिक्षकांना फटका बसण्याची शक्यता वर्तवण्यात येत आहे. ५०० विद्यार्थ्यांमागे एक कला शिक्षक (One art teacher for every 500 students) असा आदेश कला शिक्षण मंडळाने काढला आहे. एका बाजूला मराठी शाळांतील विद्यार्थी संख्या होत असताना दुसऱ्या बाजूला हा आदेश काढण्यात आला आहे. यामुळे ५०० पेक्षा कमी विद्यार्थी संख्या असलेल्या शाळेतील कला शिक्षकांची नोकरी धोक्यात येण्याची शक्यता आहे.

राज्यातील शाळांमध्ये ५०० विद्यार्थ्यांमागे एक कला शिक्षक असा अनावश्यक भार देऊन कला शिक्षक नसणाऱ्या शिक्षकांकडून गुणवत्तापूर्ण अध्यापनाची अपेक्षा केली जाणार आहे. यामुळे विद्यार्थ्यांची कला विषयातील प्रगती खुंटण्याची शक्यता आहे. विद्यार्थ्यांची कला विषयात योग्य प्रगती होण्यासाठी इतर विषयांप्रमाणेच कला शिक्षणालाही कला विषयाचे संपूर्ण ज्ञान असलेले शिक्षक असणे आवश्यक आहे.

कला राज्य सरकारमार्फत नवीन राष्ट्रीय शैक्षणिक धोरण राबवले जात आहे. त्यात सृजनशीलतेचा म्हणजेच शिक्षणाचा आग्रह धरणारे धोरण असतानाही त्याच्या विपरीत निर्णय घेतला जात आहे. चित्रकला, हस्तकला आणि दृश्यकला हे विषय विद्यार्थ्यांच्या सृजनशीलतेचा विकास घडवतात. यासाठी वैयक्तिक मार्गदर्शनाची आवश्यकता असताना ५०० विद्यार्थ्यांमागे एक कला शिक्षक असा राज्य सरकारने जो नवीन आदेश काढला आहे, त्यामुळे कला शिक्षकांच्या नोकऱ्यांवर गंडांतर येणार आहे.