नागपूर विद्यापीठाला कुलगुरू मिळणार, पाच नावे राज्यपालांकडे पाठवली जाणार..

एज्युवार्ता न्यूज नेटवर्क

राष्ट्रसंत तुकडोजी महाराज नागपूर विद्यापीठाला (Rashtrasant Tukadoji Maharaj Nagpur University) लवकरच नवीन कुलगुरू (Vice Chancellor selection) मिळण्याची शक्यता आहे. नियुक्तीची प्रक्रिया (Appointment process) आता अंतिम टप्प्यात पोहोचली आहे. गेल्या ३० आठवड्यात उमेदवारांनी सादरीकरण केले असून, त्यामधून निवड समिती पाच उमेदवारांची नावे बंद लिफाफ्यात राज्यपाल कार्यालयाकडे पाठवली जाणार आहेत. राज्यपालांच्या मुलाखतीनंतर एका नावावर निर्णय घेतला जाणार आहे. सर्व प्रक्रिया नियोजित वेळेत पार पडली तर, नोव्हेंबर महिन्यात कुलगुरूंची घोषणा होण्याची शक्यता व्यक्त केली जात आहे.

त्रिभाषा धोरण समितीचा छ. संभाजीनगरचा दौरा पूरस्थितीमुळे रद्द..

राष्ट्रसंत तुकडोजी विद्यापीठात गेली दीड वर्ष कुलगुरू हे पद रिक्त आहे. तेव्हापासून कुलगुरूची जबाबदारी प्रभारींकडे आहे. सुरुवातीला गोंडवाना विद्यापीठाचे कुलगुरू डॉ. प्रशांत बोकारे यांनी ही जबाबदारी सांभाळली. त्यानंतर अतिरिक्त विभागीय आयुक्त डॉ. माधुरी खोडे-चवरे या कार्यभार सांभाळत आहेत. त्यांच्या प्रशासकीय जबाबदार्‍यांमुळे विद्यापीठाच्या कामकाजावर परिणाम होतो. प्रभारी प्र-कुलगुरू डॉ. सुभाष कोंडावार कार्यरत असले तरी नीतिगत निर्णय घेण्याचा अधिकार नसल्याने विकासकामे रखडली जात असल्याचे बोलले जात आहे.

अलीकडेच कुलगुरू पदासाठी अर्ज मागविण्यात आले होते. ७० पेक्षा अधिक उमेदवारांनी अर्ज केले. त्यापैकी ३० जणांची निवड करून त्यांना सादरीकरणास बोलावण्यात आले होते. त्यानंतर आता निवड समिती यातील ५ उमेदवारांचे नावे राज्यपालांकडे (कुलपति) यांच्याकडे पाठवणार आहे. राज्यपाल या उमेदवारांची मुलाखत घेऊन यातील एका उमेदवाराची कुलगुरू म्हणून नियुक्ती करतील. ही सर्व प्रक्रिया पूर्ण होण्यासाठी नोव्हेंबर उजाडणार असल्याची शक्यता वर्तवण्यात येत आहे.