NIFT प्रवेश परीक्षा! कल्याणमध्ये नियोजनशून्य व्यवस्थेमुळे विद्यार्थ्यांमध्ये संतापाची भावना

एज्युवार्ता न्यूज नेटवर्क 

फॅशन  डिझाइन आणि टेक्नॉलॉजी (Fashion Design and Technology students) क्षेत्रात करिअर करू इच्छिणाऱ्या विद्यार्थ्यांसाठी नॅशनल इन्स्टिट्यूट ऑफ फॅशन टेक्नॉलॉजी (NIFT) ही प्रवेश परीक्षा अत्यंत महत्त्वाची आहे. नेशनल टेस्टिंग एजेंसीद्वारे (NTA) घेतली जाणारी ही परीक्षा आज रविवार ८ फेब्रुवारी रोजी सर्वत्र पार पडत आहे. मात्र, कल्याणच्या एपीएमसी मार्केट परिसर परीक्षा केंद्रावर (Kalyan APMC Market Examination Centre) विद्यार्थ्यांचा संताप पाहायला मिळाला. या ठिकाणी सकाळपासूनच पिण्याचे पाणी, बसण्याची व्यवस्था आणि मार्गदर्शनाचा अभाव होता. नियोजनशून्य व्यवस्थेमुळे विद्यार्थ्यांसह पालकांमध्ये संतापाची भावना (Anger among students and parents) उमटल्याचे पाहायला मिळाले. 

हेही वाचा - पदवीधरांना नोकरीची संधी! पंजाब नॅशनल बँकेत ५१२८ जागांसाठी भरती प्रक्रिया सुरू

डिझाइन, फॅशन आणि टेक्नॉलॉजी क्षेत्रात करिअर करू विद्यार्थ्यांची या परीक्षाद्वारे सर्जनशीलता आणि विश्लेषणात्मक क्षमता तपासली जाते. आज ८ फेब्रुवारी रोजी देशातील १०२ शहरांमध्ये NIFT प्रवेश परीक्षा पार पडत आहे. हा पेपर दोन शिफ्टमध्ये असेल. जनरल अॅबिलिटी टेस्ट (GAT) ही संगणक-आधारित परीक्षा असेल जी सकाळी १० वाजता सुरू झाली. तर क्रिएटिव्ह अॅबिलिटी टेस्ट (CAT) ही पेन आणि पेपरद्वारे दुपारी ३ वाजता सुरू होईल. या परीक्षेद्वारे UG आणि PG अभ्यासक्रमांमध्ये प्रवेश दिला जाईल.

परीक्षा सुरळीत पार पडण्यासाठी प्रयत्न केले जात असताना इतर नियोजन दुर्लक्षित होत असल्याचे यानिमित्ताने दिसून येत आहे. परीक्षेला सामोरे जाताना विद्यार्थ्यांना आवश्यक आणि गरजेच्या सुविधांकडे लक्ष देणे तेवढच महत्त्वाचे आहे. दुपारच्या सत्रात होणाऱ्या परीक्षा नियोजनाकडे तरी लक्ष दिले जाणार का? हे पाहाणे महत्त्वाचे ठरणार आहे. या घटनेनंतर NIFT प्रवेश परिक्षेच्या व्यवस्थापनावर अनेक प्रश्न उपस्थित केले जात आहेत.