NEET UG 2024 : चुकीच्या उत्तरांसाठी गुण, बोनस गुण उपस्थित प्रश्नावर; NTA चे स्पष्टीकरण 

एज्युवार्ता न्यूज नेटवर्क 

नॅशनल टेस्टिंग एजन्सी (NTA) ने 4 जून रोजी NEET UG परीक्षेचा निकाल जाहीर (Results announced) केला. यावेळी 67 विद्यार्थ्यांनी NEET UG मध्ये ऑल इंडिया रँक 1 मिळवला. एनसीईआरटीच्या जुन्या आणि नव्या पुस्तकांमधील फरकामुळे हा प्रकार घडल्याचे NTA ने स्पष्ट केले आहे. NTA ने म्हटले आहे की, आपल्या देशात घरातील लहान मुले घरातील मोठ्या भाऊ-बहिणीच्या जुन्या पुस्तकांमधून अभ्यास करतात. अशा स्थितीत जुन्या पुस्तकानुसार दिलेल्या उत्तरांना आपण चुकीचे म्हणू शकत नाही.

NTA ने म्हटले आहे की, 720 गुण मिळालेल्या सर्व 67 विद्यार्थ्यांना टॉपर मानले जाणार नाही. उत्तरपत्रिकेतील बदलामुळे 67 पैकी 44 विद्यार्थ्यांना बोनस गुण मिळाले आहेत. यामुळे या विद्यार्थ्यांनी 720/720 गुण मिळविले आहेत. परफेक्ट गुण मिळवणारे जास्तीत जास्त 11 विद्यार्थी हे राजस्थानचे आहेत. यानंतर तामिळनाडूमधून 8, महाराष्ट्रातील 7, आंध्र प्रदेश आणि बिहारमधून प्रत्येकी 4 विद्यार्थी आहेत.

वास्तविक, परीक्षेच्या रसायनशास्त्र विभागात अणूशी संबंधित प्रश्न विचारण्यात आला होता. प्रश्नाच्या उत्तरात विद्यार्थ्यांना प्रश्नासोबत दिलेली दोन विधानांपैकी कोणती विधाने बरोबर आहेत हे सांगायचे होते. 29 मे रोजी, NTA ने NEET UG ची तात्पुरती उत्तर की प्रसिद्ध केली होती. यामध्ये पर्याय 1 योग्य मानण्यात आला. जुन्या एनसीईआरटीच्या आधारे या उत्तरावर 10,000 हून अधिक विद्यार्थ्यांनी आक्षेप घेतला होता.

प्रोव्हिजनल Answer Kay प्रसिद्ध केल्यानंतर NTA ने घेतलेल्या आक्षेपांची तपासणी केल्यानंतर, एनसीईआरटीच्या जुन्या आणि नवीन पुस्तकांनुसार या प्रश्नाचे उत्तर वेगळे असेल, असे स्पष्ट झाले. जुन्या NCERT पुस्तकानुसार, प्रत्येक मूलद्रव्याचे अणू स्थिर असतात हे योग्य विधान होते, तर नवीन NCERT पुस्तकात बहुतेक मूलद्रव्यांचे अणू स्थिर असतात, असे लिहिले आहे. या प्रश्नासाठी पर्याय 1 बरोबर आहे, म्हणजे पहिले विधान बरोबर आहे आणि दुसरे चुकीचे आहे. वास्तविक, किरणोत्सर्गी घटकांचे अणू स्थिर नसतात. अशा परिस्थितीत पर्याय 1 म्हणजे पहिले विधान बरोबर आहे पण दुसरे चुकीचे आहे, हे या प्रश्नाचे बरोबर उत्तर असेल. यामुळे 715 गुण मिळवणाऱ्या किमान 44 विद्यार्थ्यांना 5 गुणांनी वाढवून 720 करण्यात आले.