NEET PG 2024 : 8 ऑगस्ट रोजी परीक्षेसाठी हॉल तिकिट प्रसिद्ध होणार
वैद्यकीय PG पदवी आणि पदविका अभ्यासक्रमांच्या प्रवेशासाठी अर्ज केलेल्या उमेदवारांचीहॉल तिकिट 8 ऑगस्टपासून प्रसिद्ध केली जातील, अशी माहिती नॅशनल बोर्ड ऑफ एक्झामिनेशन इन मेडिकल सायन्सेस (NBEMS) द्वारे देण्यात आली आहे.
eduvarta@gmail.com 
एज्युवार्ता न्यूज नेटवर्क
NEET PG 2024 साठी नोंदणी केलेल्या उमेदवारांसाठी मोठी अपडेट समोर आली आहे. देशभरातील वैद्यकीय महाविद्यालयांमध्ये PG पदवी आणि पदविका अभ्यासक्रमांच्या (NEET PG Degree and Diploma Courses) प्रवेशासाठी अर्ज केलेल्या उमेदवारांचे हॉल तिकिट 8 ऑगस्टपासून प्रसिद्ध (NEET PG 2024 Admit Card) केली जातील, अशी माहिती नॅशनल बोर्ड ऑफ एक्झामिनेशन इन मेडिकल सायन्सेस (NBEMS) द्वारे देण्यात आली आहे.
परीक्षा आयोजित करणाऱ्या NBEMS ने प्रसिद्ध केलेल्या अधिकृत माहितीनुसार उमेदवार येत्या गुरुवारापासून (दि. 8) त्यांचे हॉल तिकिट डाउनलोड करू शकतील. NBEMS द्वारे NEET PG 2023 हॉल तिकिट प्रसिद्ध केल्यानंतर, ते डाउनलोड करण्याची लिंक अधिकृत वेबसाइट natboard.edu.in वर सक्रिय केली जाईल. उमेदवार या लिंकद्वारे संबंधित पृष्ठावर जाऊन त्यांचे तपशील भरून आणि सबमिट करून हॉल तिकिट डाउनलोड करू शकतात.
यापूर्वी NBEMS ने NEET PG 2024 साठी अर्ज केलेल्या उमेदवारांना वाटप केलेल्या परीक्षा शहराविषयी माहिती देण्यासाठी ‘ॲडव्हान्स सिटी इंटीमेशन स्लिप’ जारी केली होती जेणेकरून उमेदवार त्यांच्या परीक्षेच्या दिवसाच्या प्रवासाची योजना वेळेत करू शकतील. त्याच वेळी, नियुक्त केलेल्या परीक्षा शहरात कोणत्या केंद्रावर परीक्षा द्यावी याची माहिती बोर्डाकडून उमेदवारांना प्रवेशपत्राद्वारे दिली जाईल.
NBEMS ने आधीच NEET PG 2024 परीक्षेची तारीख जाहीर केली आहे. बोर्डाच्या अधिसूचनेनुसार 11 ऑगस्ट रोजी परीक्षा होणार आहे. परीक्षेला बसण्यासाठी, उमेदवारांना हॉल तिकिट आवश्यक असेल, जे या आठवड्यात गुरुवारपासून डाउनलोड करता येईल.
