NBEMS NEET-MDS 2025 : परीक्षेसाठी आजपासून नोंदणी सुरू
उमेदवारांना 15 एप्रिल 2025 रोजी त्यांचे हॉलतिकीट दिले जाणार आहेत. NBEMS NEET-MDS 2025 परीक्षा 19 एप्रिल 2025 रोजी देशभरातील विविध परीक्षा केंद्रांवर संगणक आधारित असणार आहे. या परीक्षेचा निकाल 19 मे 2025 पर्यंत जाहीर केला जाईल.
eduvarta@gmail.com 
एज्युवार्ता न्यूज नेटवर्क
नॅशनल बोर्ड ऑफ एक्झामिनेशन इन मेडिकल सायन्सेसने (National Board of Examination in Medical Sciences) आज दि.18 फेब्रुवारी 2025 पासून नॅशनल एलिजिबिलिटी कम एन्ट्रन्स टेस्ट (NEET)-MDS 2025 साठी ऑनलाइन अर्ज प्रक्रिया (application process) सुरु केली आहे. या परीक्षेत बसू इच्छिणारे उमेदवार NEET MDS 2025 साठी 10 मार्च 2025 पर्यंत अर्ज सादर करू शकतात. अधिक माहितीसाठी उमेदवारांनी NBEMS च्या https://natboard.edu.in/viewnbeexam?exam=neetmds या अधिकृत वेबसाइटला भेट द्यावी.
उमेदवारांना 14 ते 17 मार्च 2025 दरम्यान त्यांचे अर्ज एडीट (edit application) करण्याची परवानगी असणार आहे. अर्ज करण्यासाठी सामान्य, OBC आणि EWS श्रेणीतील विद्यार्थ्यांसाठी परीक्षा शुल्क 3 हजार 500 रुपये आहे तर SC, ST आणि PWD उमेदवारांसाठी 2 हजार 500 रुपये असणार आहे. तसेच कमतरता/चुकीच्या प्रतिमा सुधारण्यासाठी अंतिम संपादन विंडो (Final editing window) 27 मार्च ते 31 मार्च 2025 पर्यंत असेल.
दरम्यान,उमेदवारांना 15 एप्रिल 2025 रोजी त्यांचे हॉलतिकीट दिले जाणार आहेत. NBEMS NEET-MDS 2025 परीक्षा 19 एप्रिल 2025 रोजी देशभरातील विविध परीक्षा केंद्रांवर संगणक आधारित असणार आहे. या परीक्षेचा निकाल 19 मे 2025 पर्यंत जाहीर केला जाईल.
