कामाच्या ठिकाणी मानसिक आरोग्यास प्राधान्य देणे गरजेचे  

एज्युवार्ता न्यूज नेटवर्क 

जी एच रायसोनी कॉलेज ऑफ इंजिनीअरिंग अँड मॅनेजमेंट, पुणे, आणि विद्यार्थांच्या पीअर समुपदेशक क्लबच्या सहकार्याने 1 ते 11 ऑक्टोबर, 2024 दरम्यान मानसिक आरोग्य जागरूकता सप्ताहाचे आयोजन करण्यात आले होते. या निमित्ताने कॉलेज मध्ये संपूर्ण आठवडा भर  अनेक कार्यक्रमाचे आयोजन करण्यात आले होते. जागतिक आरोग्य संघटनेचा यंदाच्या संकल्पनानुसार कामाच्या ठिकाणी मानसिक आरोग्यास प्राधान्य देणे कॉलेज मध्ये मानसिक आरोग्याबद्दल जागरूकता निर्माण करणे आणि महाविद्यालयात एक चांगले वातावरण  निर्माण करण्याच्या उद्देशाने अनेक कार्यक्रम साजरे करण्यात आले. 

या कार्यक्रमास प्रमुख पाहुणे म्हणून सावित्रीबाई फुले पुणे विद्यापीठाचे मानसशास्त्रज्ञ आणि सहाय्यक प्राध्यापक डॉ. जुही देशमुख, जी एच रायसोनी कॉलेज ऑफ इंजिनिअरिंग आणि  मॅनेजमेंट पुणेचे संचालक डॉ. आर. डी. खराडकर उपस्थित होते. 

डॉ. जुही देशमुख यांनी मानसिक आरोग्याचे महत्त्व अधोरेखित करताना सांगितले, “मानसिक आरोग्य केवळ व्यावसायिक वातावरणातच आवश्यक नाही तर वैयक्तिक यशाचा पाया आहे. मानसिक आरोग्य सुधारण्यासाठीच्या समस्या समजून घेण्याचे आणि त्यांचे निराकरण करण्याची आमची क्षमता सर्वसमावेशक समुदाय तयार करण्यात मदत करते.” 

रायसोनी कॉलेज पुणेचे कॅम्पस डायरेक्टर डॉ. आर. डी. खराडकर म्हणाले, मानसिक आरोग्य वाढवण्यासाठी आम्ही संस्थांमध्ये पोषक वातावरण निर्माण करण्याचा प्रयत्न करतो. "मानसिक आरोग्य हा एकंदर कल्याणाचा अविभाज्य भाग आहे आणि यासारखे उपक्रम हे सुनिश्चित करतात की कामाच्या ठिकाणी मानसिक आरोग्य चांगले राखाण्यासाठी आवश्यक त्या सुविधा उपलब्ध करून देणे गरजेचे आहे.

पिअर कौन्सिलर्स क्लबच्या प्रयत्नांचा आणि सर्व सहभागींनी दाखवलेल्या समर्पणामुळे मानसिक आरोग्य जागरूकता सप्ताह मोठ्या उत्साहात साजरा करण्यात आला. दरम्यान कार्यक्रमाच्या शेवटच्या दिवसी  विद्यार्थी आणि शिक्षक यांच्यासाठी एक नेटवर्क तयार करण्याच्या उद्देशाने संवादात्मक चर्चा सत्र आयोजित केले होते. इंजीनियरिंग च्या पहिल्या वर्षाच्या प्रमुख डॉ. वंदना दुरेजा, आणि सुरभी प्रणव यांनी विद्यार्थी समन्वयक अयान शेख आणि तेहसीन शेख यांच्या प्रयत्नाने संपूर्ण आठवडाभर विविध कार्यक्रम राबवले गेले.