वैद्यकीय शिक्षण विभागात 1 हजार 107 जागांसाठी मेगा भरती सुरू
या भरतीअंतर्गत गट-क तांत्रिक संवर्गातील 15 प्रकारच्या पदांसाठी एकूण 1107 जागा आहेत. यामध्ये उच्च श्रेणी लघुलेखक व निम्न श्रेणी लघुलेखक पदांचा समावेश आहे.
eduvarta@gmail.com 
एज्युवार्ता न्यूज नेटवर्क
वैद्यकीय शिक्षण मंत्रालय (Ministry of Medical Education) आणि वैद्यकीय शिक्षण व संशोधन संचालनालय (आयुष) यांच्या अधिपत्याखालील सरकारी वैद्यकीय व दंतचिकित्सा महाविद्यालये आणि संलग्न रुग्णालयांमधील गट - क व अतीतांत्रिक संवर्गातील एकूण 1 हजार 107 पदांच्या (Recruitment for 1107 posts in Group-C cadre) सरळ सेवा भरतीद्वारे उमेदवारांची निवड केली जाणार आहे. यासाठी ऑनलाइन अर्ज प्रक्रिया सुरू झाली असून, अर्ज करण्याची अंतिम तारीख 9 जुलै 2025 (Deadline 9 July 2025) आहे.
या भरतीअंतर्गत गट-क तांत्रिक संवर्गातील 15 प्रकारच्या पदांसाठी एकूण 1 हजार 107 जागा आहेत. यामध्ये उच्च श्रेणी लघुलेखक व निम्न श्रेणी लघुलेखक पदांचा समावेश आहे. ही भरती https://www.med-edu.in या अधिकृत संकेतस्थळावरून फक्त ऑनलाइन पद्धतीनेच केली जाणार आहे. अर्ज व परीक्षा शुल्क भरतानाही केवळ ऑनलाइन पद्धतच ग्राह्य धरली जाणार आहे. कोणत्याही इतर माध्यमातून केलेला अर्ज वैध मानला जाणार नाही.
प्रत्येक पदासाठी आवश्यक शैक्षणिक पात्रता आणि अनुभव भरतीच्या अधिकृत जाहिरातीत सविस्तर नमूद करण्यात आलेला आहे. पात्रता 9 जुलै 2025 पर्यंत पूर्ण झालेली असणे आवश्यक आहे. वयोमर्यादा खुल्या प्रवर्गासाठी 18 ते 38 वर्षे आहे, तर भरती नियमानुसार मागासवर्गीय उमेदवारांसाठी कमाल वयोमर्यादेत 5 वर्षांची सूट देण्यात येणार आहे.
---------------
