विद्यापीठ परिसरात सभा, बैठका, आंदोलन केल्यास कायदेशीर कारवाई
कोणत्याही स्वरूपाच्या सभा, बैठका ,आंदोलने व तत्सम कार्यक्रम करण्यासाठी विद्यापीठ प्रशासनाची किमान आठ दिवस पूर्वपरवानगी घ्यावी लागेल, अन्यथा संबंधितांवर कायदेशीर कारवाई केली जाईल,
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाच्या (Savitribai Phule Pune University) परिसरात तसेच विद्यापीठाच्या अहिल्यानगर येथील उपकेंद्रात व नाशिक उपकेंद्रात (Ahilyanagar sub-centre and Nashik sub-centre)कोणत्याही स्वरूपाच्या सभा, बैठका ,आंदोलने (meeting, movement) व तत्सम कार्यक्रम करण्यासाठी विद्यापीठ प्रशासनाची (University Administration)किमान आठ दिवस पूर्वपरवानगी (Eight days prior approval)घ्यावी लागेल, अन्यथा संबंधितांवर कायदेशीर कारवाई केली जाईल, असे परिपत्रक विद्यापीठाच्या प्रभारी कुलसचिव डॉ.ज्योती भाकरे (In-charge Registrar Dr. Jyoti Bhakare)यांनी प्रसिद्ध केले आहे. मात्र, या निर्णयास विद्यार्थी संघटनाकडून विरोध होण्याची शक्यता व्यक्त केली जात आहे.
पुणे विद्यापीठाच्या व्यवस्थापन परिषदेमध्ये 30 ऑगस्ट 2024 रोजी विद्यापीठात होणाऱ्या बैठका, सभा, आंदोलने या संदर्भात चर्चा करण्यात आली होती. त्यात विद्यापीठाला एखाद्या मागणीची किंवा घटनेची कल्पना दिल्याशिवाय किंवा संबंधित प्रश्न सोडविण्यासाठी अवधी दिल्याशिवाय आंदोलन करणे उचित नसल्याची चर्चा झाली होती. त्यामुळे यापुढील काळात विद्यापीठ प्रशासनाच्या पूर्वपरवानगीशिवाय सभा,बैठका, आंदोलने किंवा तत्सम कार्यक्रम आयोजित केल्यास संबंधितांवर कायदेशीर कारवाई केली जाणार आहे.
विद्यापीठाच्या व्यवस्थापन परिषदेत बरोबरच औरंगाबाद उच्च न्यायालयाच्या निर्णयानुसार विद्यापीठाने हा निर्णय घेतला आहे. त्याचप्रमाणे विद्यापीठ आवरमध्ये विविध संघटना विद्यार्थ्यांच्या सभा,आंदोलने,धरणे,उपोषणे व पथनाट्य या अनुषंगिक यापूर्वी निर्गमित केलेले सर्व नियम व अटी लागू राहणार आहेत, असेही डॉ.ज्योती भाकरे यांनी प्रसिद्ध केलेल्या परिपत्रकात नमूद केले आहे.
