जेएनव्हीएसटी इयत्ता ६ वी हिवाळी सत्र परीक्षेचे प्रवेशपत्र प्रसिद्ध, ११ एप्रिलला होणार परीक्षा

एज्युवार्ता न्यूज नेटवर्क  

नवोदय विद्यालय समितीने (Navodaya Vidyalaya Samiti) इयत्ता ६ वीच्या जवाहर नवोदय विद्यालय सिलेक्शन टेस्ट (जेएनव्हीएसटी) (Class 6 JNVST Examination) हिवाळी सत्राच्या परीक्षेसाठी प्रवेशपत्रे जारी (Issue of admit cards) केली आहेत. ज्या पालकांनी आपल्या मुलांची जेएनव्हीएसटी परीक्षेसाठी नोंदणी केली आहे. ते आता navodaya.gov.in या अधिकृत वेबसाइटवरून प्रवेशपत्रे डाउनलोड करू शकतात. प्रवेशपत्र डाउनलोड करण्यासाठी, पालकांना आपल्या मुलाचा नोंदणी आयडी आणि जन्मतारीख प्रविष्ट करावी लागेल. ही परीक्षा ११ एप्रिल २०२६ रोजी सकाळी ११:३० ते १:३० या वेळेत घेतली जाणार आहे. परीक्षा केंद्रे विद्यार्थ्यांच्या जिल्ह्यांतर्गत जवाहर नवोदय विद्यालयांमध्ये किंवा निश्चित केलेल्या शाळांमध्ये असणार आहेत. 

असे डाउनलोड करा प्रवेशपत्र

जेएनव्हीएसटी  इयत्ता ६ वीच्या हिवाळी सत्र परीक्षेचे प्रवेशपत्र डाउनलोड करण्यासाठी, सर्वप्रथम navodaya.gov.in या अधिकृत वेबसाइटला भेट द्या. आता वेबसाइटच्या होमपेजवरील 'ऍडमिट कार्ड' (Admit Card) सेक्शनवर क्लिक करा. त्यानंतर, 'JNVST 6 Winter Bound Admit Card 2026' या लिंकवर क्लिक करा. लिंकवर क्लिक केल्यानंतर, तुमचा लॉगिन तपशील प्रविष्ट करा. तुमचा लॉगिन तपशील प्रविष्ट केल्यानंतर, प्रवेशपत्र तुमच्या स्क्रीनवर उघडेल. त्याला डाउनलोड करून त्याची प्रिंट काढून घ्यावी. 

जेएनव्हीएसटी इयत्ता ६ वी हिवाळी सत्र परीक्षेचे प्रवेशपत्र डाउनलोड केल्यानंतर, त्यामध्ये नमूद केलेले तपशील जसे की रोल नंबर, विद्यार्थ्याचे नाव, नोंदणी क्रमांक, विद्यार्थ्याचा फोटो, पालकाचे नाव, परीक्षेची तारीख आणि वेळ, परीक्षा केंद्राचे नाव, परीक्षेत सहभागी होण्यासाठी आवश्यक मार्गदर्शक सूचना काळजीपूर्वक तपासा. तसेच, परीक्षेला जाताना आपले प्रवेशपत्र सोबत आणायला विसरू नका. परीक्षेच्या एक दिवस आधीच परीक्षा केंद्राची माहिती तपासा, असे आवाहन करण्यात आले आहे.