केंद्रप्रमुख पदाच्या नियुक्तीसाठी टीईटी/सीटीईटी परीक्षा उत्तीर्ण असल्याची माहिती भरण्यासाठी आवाहन

एज्युवार्ता न्यूज नेटवर्क 

राज्यातील जिल्हा परिषद शाळांमध्ये कार्यरत शिक्षकांची (ZP School Teacher) 'समूह साधन केंद्र समन्वयक'  (Group Resource Center Coordinator) (केंद्रप्रमुख) या पदासाठी नियुक्ती देण्याच्या उद्देशाने घेण्यात आलेल्या विभागीय स्पर्धा परीक्षा २०२५'चा निकाल (Divisional Examination 2025 Results) नुकताच जाहीर झाला आहे. या परीक्षेत पात्र ठरलेल्या उमेदवारांनी पुढील नियुक्ती प्रक्रियेसाठी टीईटी/सीटीईटी परीक्षा उत्तीर्ण (Information Regarding Passing the TET/CTET Examination) असल्याची माहिती ऑनलाइन सादर करण्याचे आवाहन महाराष्ट्र राज्य परीक्षा परिषदेकडून (Maharashtra State Examination Council) करण्यात आले आहे. 

पात्र उमेदवारांनी https://mscepune.in/dtedola/KP2026Info.aspx या संकेतस्थळावरील लिंकवर २१ मार्च २०२६ पर्यंत आवश्यक माहिती भरावी. नियुक्ती प्रक्रियेसाठी ही माहिती अनिवार्य असल्याने, उमेदवारांनी दिलेल्या मुदतीत तपशील सादर करणे आवश्यक असल्याचे सांगण्यात आले आहे. 

परीक्षेतील गुणांची पडताळणी करून घेण्याची सुविधाही उपलब्ध करून देण्यात आली आहे. त्यासाठी https://mscepune.in/DTEDOLA/KP2026ResponseSheet.aspx या लिंकवर ३१ मार्च २०२६ पर्यंत अर्ज करता येणार आहे. गुणपडताळणीसाठी प्रत्येक पेपरमागे ५०० रुपये शुल्क ऑनलाइन भरावे लागणार असून, शुल्क भरल्यानंतर १५ दिवसांच्या आत संबंधित माहिती उमेदवारांच्या नोंदणीकृत ई-मेलवर पाठविण्यात येईल. 

टीईटी/सीटीईटी पात्रतेची माहिती, तसेच गुणपडताळणीसाठीचा अर्ज फक्त दिलेल्या लिंकद्वारेच स्वीकारला जाणार असून, ई-मेल, पत्र किंवा इतर माध्यमातून पाठविलेली माहिती ग्राह्य धरली जाणार नाही, तसेच या प्रक्रियेसाठी कोणतीही मुदतवाढ दिली जाणार नसल्याचे महाराष्ट्र राज्य परीक्षा परिषदेकडून देण्यात आली आहे.