आयआयटीमधील पदव्युत्तर अभ्यासक्रमांसाठी प्रवेश पोर्टल सुरु

एज्युवार्ता न्यूज नेटवर्क

इंडियन इन्स्टिट्यूट ऑफ टेक्नॉलॉजी (IIT Delhi) दिल्लीने आज दि. २६ मार्च २०२५ पासून विविध मास्टर्स प्रोग्राम्ससाठी संयुक्त प्रवेश परीक्षेसाठी प्रवेश पोर्टल ओपन (Admission portal open for Joint Entrance Examination for Masters programmes) केले आहेत. पात्र उमेदवार, त्यांच्या संबंधित श्रेणी आणि JAM 2025 प्रवेश परीक्षेतील कामगिरीवर आधारित https://jam2025.iitd.ac.in/  या JOAPS पोर्टलद्वारे अर्ज करू शकतात. या अभ्यासक्रमासाठी अर्ज करण्याची अंतिम तारीख ९ एप्रिल २०२५ पर्यंत असणार आहे.

सर्व पात्र उमेदवारांना JOAPS पोर्टलद्वारे त्यांच्या सध्याच्या प्रमाणपत्रांसह त्यांचे स्कोअरकार्ड मिळाले आहेत. यासाठीचे प्रवेश चार फेऱ्यांमध्ये घेतले जातील आणि उमेदवारांना त्यांच्या पात्रता चाचणी पेपर्सच्या आधारे प्रोग्रॅम आणि संस्था (programmes and institutes based ) निवडण्याची संधी असणार आहे.

आयआयटी दिल्लीने २ फेब्रुवारी २०२५ रोजी मास्टर्स (JAM) २०२५ साठी संयुक्त प्रवेश परीक्षा घेतली होती. यासाठी ६६ हजाराहून अधिक विद्यार्थ्यांनी परीक्षेसाठी अर्ज केले. त्यापैकी सुमारे ८३ टक्के विद्यार्थ्यांनी परीक्षेला हजेरी लावली. एकूण १६ हजारांहून अधिक उमेदवार सर्व श्रेणींमध्ये पात्र ठरले आहेत.

दरम्यान, ही परीक्षा संगणक आधारित चाचणी (CBT) स्वरूपात घेतली जाते ज्यामध्ये सात चाचणी पेपर्स असतात. चाचणीमध्ये तीन प्रकारचे वस्तुनिष्ठ प्रश्न समाविष्ट आहेत: बहुपर्यायी प्रश्न (MCQ), एकाधिक निवड प्रश्न (MSQ) आणि संख्यात्मक उत्तर प्रकार (NAT) प्रश्न असे त्याचे स्वरूप असते. १०५ वेगवेगळ्या अभ्यासक्रमांमध्ये ५ हजार ३०० हून अधिक विद्यार्थ्यांना प्रवेश दिला जाईल. ही परीक्षा भौतिकशास्त्र, रसायनशास्त्र, भूगर्भशास्त्र, गणित, जैवतंत्रज्ञान, अर्थशास्त्र आणि गणितीय सांख्यिकी अशा  सात विज्ञान विषयांमध्ये घेण्यात आली.