मुलांना मोबाईलच्या व्यसनापासून मुक्त करायचे असेल तर, 'हा' फॉर्म्युला नक्की वाचा..

एज्युवार्ता न्यूज नेटवर्क

यूपीमधील बदायू येथील एचपी इंटरनॅशनल स्कूलच्या (HP International School UP) शिक्षकांनी मुलांना मोबाईल फोनपासून दूर ठेवण्यासाठी जनजागृती केली आहे. व्हिडिओमध्ये एक शिक्षिका डोळ्यांवर पट्टी बांधून रडताना दिसत आहे. शिक्षिकेने विचारले असता, मोबाईल फोनकडे जास्त बघून डोळ्यातून रक्त (Eye damage from looking at mobile phones) येत असल्याचे तिने सांगितले. यामुळे मुले घाबरतात. यावेळी शिक्षक मुलांना मोबाईल देतात पण मुले ते घेण्यास नकार देतात. त्यांचा हा व्हिडिओ सध्या सोशल मीडियावर व्हायरल होत आहे. त्यामुळे हा फाॅर्म्युला मुलांना मोबाईलच्या व्यसनापासून मुक्त  (Formula to keep children away from mobile phones) करण्यास नक्की मदत करेल. 

व्हायरल होणारा व्हिडिओ हा यूपीच्या बदायू येथील एचपी इंटरनॅशनल स्कूलमध्ये झालेल्या जनजागृती उपक्रमातील  असल्याचा दावा करण्यात आले आहे. ज्यामध्ये शिक्षकांनी मुलांना मोबाईल फोनमुळे होणारे नुकसान नाटकाद्वारे दाखवण्याचा प्रयत्न केला आहे. शिक्षकांनी मुलांना हा संदेश देण्याचा प्रयत्न केला की, जास्त मोबाईल पाहिल्यानंतर आपल्या आरोग्याला हानी पोहोचते. विशेषतः डोळ्यांवर त्याचा वाईट परिणाम होऊ शकतो. मुलांच्या मनात फोनबद्दल भीती निर्माण करणे आणि त्यांना मोबाईलच्या व्यसनापासून दूर ठेवणे हा या उपक्रमाचा उद्देश असल्याचे दिसून येत आहे. 

शाळेच्या मैदानात लहान मुले मोठ्या संख्येने उपस्थित असल्याचे व्हिडिओमध्ये दिसत आहे. इतक्यात एक मॅडम डोळ्यांवर हात ठेवून त्यांच्यामध्ये येते. त्यावर दुसरी मॅडम घाबरून विचारते, तुम्हाला काय झालंय? यावर मॅडम उत्तर देतात की मी फोन जास्त पाहिल्यामुळे डोळ्यांला इजा झाली आहे. यानंतर दुसरी शिक्षिका तिथे उपस्थित मुलांना म्हणते, बघा फोन जास्त पाहिल्यामुळे काय झाले मॅडमला. डोळ्यातून किती रक्त येत आहे. व्हिडिओमध्ये तुम्हाला दिसेल की, यानंतर जेव्हा शिक्षक मुलांकडे फोन घेऊन जातात तेव्हा ते फोन घेण्यास नकार देतात.

सोशल मीडियावर या व्हिडिओवर संमिश्र प्रतिक्रिया पाहायला मिळत आहेत. काही लोकांनी मुलांना मोबाईल फोनपासून दूर ठेवण्याचा एक प्रभावी मार्ग म्हटले, तर काही लोकांचा असा विश्वास आहे की मुलांना खोट्या कथांद्वारे शिकवणे त्यांच्या भविष्यासाठी वाईट असू शकते, कारण यामुळे मुलांचा त्यांच्या शिक्षकांवरील विश्वास कमी होऊ शकतो.