बारावीच्या हजारो विद्यार्थ्यांना JEE-Advanced देता येणार नाही
आयआयटी कानपूरने अलीकडेच एक अधिसूचना प्रसिद्ध केली होती. ज्यामध्ये JEE-Advanced मध्ये बसण्याच्या संधींची संख्या दोनवरून तीन करण्यात आली होती, मात्र आता हा निर्णय संयुक्त प्रवेश मंडळाच्या बैठकीनंतर रद्द करण्यात आला आहे.
eduvarta@gmail.com 
एज्युवार्ता न्यूज नेटवर्क
JEE-Advanced परीक्षा देण्यासाठी याआधी उमेदवारांना तीन संधी देण्याचा निर्णय घेण्यात आला होता. मात्र, आता पुन्हा एकदा त्यात बदल होऊन परीक्षा देण्यासाठी तीन संधींवरून दोन संधी देण्यात येणार असल्यामुळे आधीच नाराज झालेल्या विद्यार्थ्यांसाठी आणखी एक निराशाजनक माहिती समोर आली आहे.
आयआयटी कानपूरच्या (IIT Kanpur) आयोजक संस्थेने घेतलेल्या निर्णयामुळे 2023 मध्ये 12वी उत्तीर्ण झालेले विद्यार्थी JEE-Advanced या परीक्षेला बसू शकणार नाहीत. (students who passed 12th in 2023 will not be able to appear for the JEE-Advanced exam) यापूर्वी या विद्यार्थ्यांना संधी देण्याचा निर्णय घेण्यात आला होता.
आयआयटी कानपूरने ही संधी दिल्यानंतर हजारो विद्यार्थ्यांनी जेईई-मेनसाठी अर्ज केले होते. पुन्हा एकदा आयआयटीमध्ये प्रवेशाची तयारी सुरू केली होती. मात्र, आता या विद्यार्थ्यांच्या पदरी निराशा आली आहे. दरम्यान, आयआयटी कानपूरने अलीकडेच एक अधिसूचना प्रसिद्ध केली होती. ज्यामध्ये JEE-Advanced मध्ये बसण्याच्या संधींची संख्या दोनवरून तीन करण्यात आली होती, मात्र आता हा निर्णय संयुक्त प्रवेश मंडळाच्या बैठकीनंतर रद्द करण्यात आला आहे.
