विद्यार्थ्यांसाठी पहिलीच्या पुस्तकात हेल्पलाईन नंबरचा समावेश; असा होणार फायदा
बालकांमध्ये शरीरसाक्षरता, स्पर्शाची योग्य समज आणि स्वतःच्या मर्यादांची जाणीव निर्माण व्हावी यासाठी 'गुड टच-बॅड टच'ची संकल्पना पहिलीपासूनच शिकविली जाणार आहे.
eduvarta@gmail.com 
एज्युवार्ता न्यूज नेटवर्क
हल्ली लहान मुलांच्या वाढत्या अत्याचाराच्या घटना वाढल्या आहेत त्या पार्श्वभूमीवर शालेय शिक्षण विभागाने (department of education) नवी योजना आखली आहे. राज्याच्या इयत्ता पहिलीच्या पाठ्यपुस्तकांत आता 'चाइल्ड हेल्पलाइन १०९८' या (child helpline number) क्रमांकाचा समावेश करण्यात आला आहे. त्यामुळे १०९८ या क्रमांकावर कॉल करताच प्रशिक्षित समुपदेशक संबंधित थेट बालकांशीच संवाद साधणार (Trained counselors will interact directly with the children concerned.) आहेत.
अनेकदा अशा शोषणाला बळी पडलेली मुले भीती, संकोच किंवा अनभिज्ञतेमुळे अन्यायाची माहिती कुणालाही सांगत नाहीत. ही बाब लक्षात घेऊन हे अतिशय महत्वाचे पाऊल उचलण्यात आले आहे. विद्यार्थ्यांनी जर १०९८ या चाइल्ड हेल्पलाइन नंबरवर कॉल केला तर प्रशिक्षित समुपदेशक संबंधित बालकाशी संवाद साधतो. या कॉलदरम्यान बालकाची माहिती गोपनीय ठेवली जाते. तातडीने मदतीसाठी स्थानिक अधिकाऱ्यांशी संपर्क केला जातो. गरजेनुसार पोलिस, बालकल्याण समिती किंवा सामाजिक कार्यकर्ते मदतीला जातात. भीती न ठेवता मदतीसाठी विद्यार्थ्यांसाठी आरोग्य, लैंगिक शोषण, घरगुती हिंसाचार अशा सर्व गोष्टीसाठी हा नंबर उपलब्ध आहे.
दरम्यान, बालकांना संकट ओळखता यावं आणि त्या परिस्थितीत योग्य निर्णय घ्यायला शिकता यावे, तसेच शाळा हेच त्यांचं पहिलं 'सुरक्षित स्थान' असावं, या उद्देशातूनच ही पावलं उचलली आहेत. याबरोबरच बालकांमध्ये शरीरसाक्षरता, स्पर्शाची योग्य समज आणि स्वतःच्या मर्यादांची जाणीव निर्माण व्हावी यासाठी 'गुड टच-बॅड टच'ची संकल्पना पहिलीपासूनच शिकविली जाणार आहे.
