प्रत्येक विद्यार्थ्यांची आरोग्यपत्रिका तयार करणार; शिक्षणमंत्री दादा भुसे 

एज्युवार्ता न्यूज नेटवर्क 

राष्ट्रीय बालस्वास्थ्य उपक्रमाची (National Child Health Initiative) प्रभावीपणे अंमलबजावणी करतानाच प्रत्येक विद्यार्थ्यांची आरोग्य पत्रिका (Health card) तयार करण्यात येईल, असे शालेय शिक्षणमंत्री दादा भुसे (Education Minister Dada Bhuse) यांनी सांगितले. राष्ट्रीय बालस्वास्थ्य कार्यक्रमांतर्गत जिल्हास्तरीय आरोग्य तपासणी उद्घाटन सोहळा नाशिक येथील पंचक येथे आयोजित करण्यात आला होता. त्यावेळी ते बोलत होते. 

भुसे म्हणाले की, राष्ट्रीय बालस्वास्थ्य उपक्रम हा महत्त्वाकांक्षी उपक्रम आहे. त्याची प्रभावीपणे अंमलबजावणी करण्यात येईल. बालस्वास्थ्य विभागातर्फे विद्यार्थ्यांची आरोग्य तपासणी करण्यात आली. यावेळी जिल्हाधिकारी जलज शर्मा, महाराष्ट्र राज्य बालहक्क संरक्षण आयोगाच्या सदस्या सायली पालखेडकर, आरोग्य विभागाचे उपसंचालक डॉ. कपिल आहेर यांच्यासह अनेक मान्यवर उपस्थित होते.

या कार्यक्रमात उपमुख्यमंत्री अजित पवार, सार्वजनिक आरोग्य व कुटुंब कल्याण मंत्री प्रकाश आबिटकर हे दूरदृश्य संवाद प्रणालीच्या माध्यमातून सहभागी झाले होते. राज्यातील १८ वर्षे वयापर्यंत दोन कोटीपेक्षा अधिक बालकांची सर्वांगीण तपासणी करण्यात येणार असल्याची घोषणा यावेळी उपमुख्यमंत्री अजित पवार यांनी केली. गंभीर विद्यार्थ्याला सर्व योजनांचा लाभ देत त्याच्यावर उपचार करण्यात