तासिका तत्वावरील प्राध्यापकांसाठी मानधन वितरणाचे नवीन पोर्टल
पोर्टल विकसित करण्यासाठी सुमारे साडे तीन महिन्यांचा कालावधी लागणार असून, त्यासाठी आज परवानगी देण्यात आली. या नव्या डिजिटल उपक्रमामुळे तंत्रशिक्षण संचालनालयाच्या विविध सेवा एकाच छताखाली आणता येणार असून, कार्यप्रणाली अधिक गतीशील होणार आहे, चंद्रकांत पाटील म्हणाले.
eduvarta@gmail.com 
एज्युवार्ता न्यूज नेटवर्क
राज्यातील तासिका तत्वावर काम करणाऱ्या प्राध्यापकांसाठी महत्त्वाची बातमी समोर आली आहे. उच्च तंत्रशिक्षण संचालनालयाच्या वतीने तासिका तत्वावरील प्राध्यापकांसाठी (Hourly teacher) मानधन वितरण पोर्टल (Honorarium Distribution Portal) तयार करण्यासंदर्भात सादरीकरण करण्यात आले असल्याची माहिती चंद्रकांत पाटील यांनी दिली आहे. या पोर्टलच्या माध्यमातून प्राध्यापकांना मानधन वितरण अधिक सुलभ पद्धतीने होणार आहे, असे उच्च व तंत्रशिक्षण मंत्री चंद्रकांत पाटील (Minister of Higher and Technical Education Chandrakant Patil) यांनी आपल्या सोशल मीडिया हँडलवरून स्पष्ट केले आहे.
सीईटी परीक्षा पॅटर्नमध्ये मोठा बदल; चंद्रकांत पाटील यांनी दिली माहिती
तसेच सदर पोर्टल विकसित करण्यासाठी सुमारे साडे तीन महिन्यांचा कालावधी लागणार असून, त्यासाठी आज परवानगी देण्यात आली. या नव्या डिजिटल उपक्रमामुळे तंत्रशिक्षण संचालनालयाच्या विविध सेवा एकाच छताखाली आणता येणार असून, कार्यप्रणाली अधिक गतीशील होणार आहे, चंद्रकांत पाटील म्हणाले.
______________________________________________
अतिशय स्वागताहार्य निर्णय, महाराष्ट्र नवप्राध्यापक संघटनेची सुरवातीपासूनची हि मागणी होती प्रतिमहिना CHB प्राध्यापकांचे मानधन त्यांच्या खात्यावर जमा झाले पाहीजे, पुर्णवेळ प्राध्यापकाप्रमाणे महिन्याच्या सुरवातीलाच मानधन त्यांच्या खात्यावर जमा होईल अशी तरतूद करावी. याला कुठेतरी न्याय मिळेल अशी आशा आहे.
- प्रा. डॉ. संदीप पाथ्रीकर, अध्यक्ष, महाराष्ट्र नव प्राध्यापक संघटना
