डॉ. संजीव ठाकूर यांची ‘बी.जे.’च्या अधिष्ठाता पदावरून उचलबांगडी; उच्च न्यायालयाचा दणका

डॉ. विनायक काळे यांनी अधिष्ठाता पदावरून जानेवारी महिन्यात बदली करण्यात आली होती. त्यांना महाराष्ट्र मानसिक आरोग्य संस्थेच्या संचालकपदी नियुक्ती करण्यात आली होती.

डॉ. संजीव ठाकूर यांची ‘बी.जे.’च्या अधिष्ठाता पदावरून उचलबांगडी; उच्च न्यायालयाचा दणका

एज्युवार्ता न्यूज नेटवर्क

ललित पाटील प्रकरणात (Lalit Patil Case) चर्चेत असलेले बी. जे. वैद्यकीय महाविद्यालयाचे (BJ Medical College) अधिष्ठाता डॉ. संजीव ठाकूर (Dr Sanjeev Thakur) यांची या पदावरून उचलबांगडी करण्यात आली आहे. तत्कालीन अधिष्ठाता डॉ. विनायक काळे (Dr Vinayak Kale) यांची पुन्हा या पदावर नियुक्ती करण्याचा आदेश मुंबई उच्च न्यायालयाने दिला आहे. न्यायालयाने काळे यांच्या बाजूने मॅटने दिलेला निकाल कायम ठेवत हा आदेश दिला आहे. त्यामुळे डॉ. ठाकूर यांना अधिष्ठातापद सोडावे लागणार आहे.

 

डॉ. विनायक काळे यांनी अधिष्ठाता पदावरून जानेवारी महिन्यात बदली करण्यात आली होती. त्यांना महाराष्ट्र मानसिक आरोग्य संस्थेच्या संचालकपदी नियुक्ती करण्यात आली होती. त्यांच्या जागी डॉ. ठाकूर यांची वर्णी लागली होती. बदली होण्यापुर्वी डॉ. काळे यांच्या नियुक्तीला केवळ दीड वर्षे झाली होती. तीन वर्षे पूर्ण न होताच बदली झाल्याने त्यांनी मॅटमध्ये धाव घेतली होती.

आविष्कार विभागीय स्पर्धेचा निकाल जाहीर; विद्यापीठस्तर स्पर्धेसाठी २७३ विद्यार्थ्यांची निवड

 

मॅटने काळे यांच्या बाजूने निकाल दिल्याने त्यांच्या नियुक्तीचा मार्ग मोकळा झाला होता. मात्र, मॅटच्या निर्णयाला डॉ. ठाकूर यांनी उच्च न्यायालयात आव्हान दिले. त्यावर न्यायालयाने शुक्रवारी मॅटच्या निर्णयावर शिक्कामोर्तब करत डॉ. काळे यांची पुन्हा अधिष्ठातापदी नियुक्ती करण्याचे आदेश दिले. त्यामुळे डॉ. ठाकूर यांना मोठा धक्का बसला आहे.

 

दरम्यान, डॅग्ज प्रकरणावरून सध्या ससून रुग्णालय चर्चेत आहे. ललित पाटीलवर अनेक महिने सुरू असलेले उपचार, त्याचे पळून जाणे यावरून डॉ. ठाकूर यांच्यावर आरोप होत आहेत. विरोधी पक्षांकडून त्यांच्या हकालपट्टीची मागणी केली जात होती. त्यातच न्यायालयाचा निकाल आल्याने चर्चेला उधाण आले आहे.

शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.

https://chat.whatsapp.com/BPAVux2QlP06nhF9X9NQYO