तंत्रशिक्षण संचालक विनोद मोहितकर यांच्याकडे मुंबई रुसा चा अतिरिक्त पदभार

एज्युवार्ता न्यूज नेटवर्क 

तंत्रशिक्षण संचालनालय संचालक (Director, Directorate of Technical Education) विनोद मोहितकर (Vinod Mohitkar) यांच्याकडे राष्ट्रीय उच्चतर शिक्षा अभियान (रुसा) मुंबई येथील राज्य प्रकल्प संचालक या रिक्त पदाचा अतिरिक्त कार्यभार (additional workload) सोपवण्यात आला आहे. सामान्य प्रशासन विभागाचे (General Administration Department) उपसचिव यांनी तंत्रशिक्षण संचालनालय संचालक विनोद मोहितकर यांनी नियुक्तीचे पत्र पाठवले आहे. 

डाॅ. निपुण विनायक, राज्य प्रकल्प संचालक, रुसा, मुंबई यांची नियुक्ती सचिव (१), सार्वजनिक आरोग्य विभाग, मंत्रालय, मुंबई या पदावर करण्यात आली असून ते राज्य प्रकल्प संचालक, रुसा, मुंबई या पदावरुन ६ फेब्रुवारी रोजी दुपारी कार्यमुक्त झाले आहेत. त्यामुळे राज्य प्रकल्प संचालक, रुसा, मुंबई हे पद रिक्त आहे.  सदर बाब विचारात घेऊन या आदेशान्वये राज्य प्रकल्प संचालक, रुसा, मुंबई या रिक्त पदाचा अतिरिक्त कार्यभार विनोद मोहितकर, संचालक, तंत्रशिक्षण संचालनालय, मुंबई यांचेकडे तात्पुरत्या स्वरुपात सोपविण्यात येत असल्याचे या पत्रात म्हटले आहे. 

विनोद मोहितकर, संचालक, तंत्रशिक्षण संचालनालय, मुंबई यांनी सदर पदाचा अतिरिक्त कार्यभार त्यांच्या सध्याच्या पदाची कर्तव्ये व जबाबदाऱ्या सांभाळून धारण करावा.  सदर अतिरिक्त कार्यभार हा राज्य प्रकल्प संचालक, रुसा, मुंबई या पदावर नियमित नियुक्ती अधिकारी रुजू होईपर्यंत किंवा शासनाच्या पुढील आदेशापर्यंत यापैकी जे अगोदर होईल तो पर्यंत असणार असल्याचे या पत्रात म्हटले आहे.