SPPU : पदवी, पदव्युत्तर अभ्यासक्रमाच्या प्रवेश परीक्षेसाठी 'या' तारखेपर्यंत मुदतवाढ 

एज्युवार्ता न्यूज नेटवर्क 

सावित्रीबाई फुले पुणे विद्यापीठात (Savitribai Phule Pune University) प्रवेश घेणाऱ्या विद्यार्थ्यांचा आकडा मोठा आहे. त्यासाठी प्रत्येक वर्षी मोठी चुरस पाहायला मिळते. विद्यापीठातील विविध विभागांतील पदवी, पदव्युत्तर आणि आंतरविद्याशाखीय अभ्यासक्रमाच्या (Undergraduate, postgraduate and interdisciplinary courses) प्रवेश परीक्षेसाठी अर्ज प्रक्रिया सुरू (Application process for entrance exam begins) करण्यात आली आहे. पहिली मुदत संपुष्टात आल्यानंतर आता विद्यापीठाने परीक्षेच्या ऑनलाइन अर्जांसाठी मुदतवाढ (Extension of deadline for online applications) देण्यात आली आहे. त्यानुसार विद्यार्थ्यांना आता १३ मार्चपर्यंत अर्ज भरता येणार आहे.

विद्यापीठाच्या वेळापत्रकानुसार पदवी अभ्यासक्रमांसाठीची प्रवेश परीक्षा ४ एप्रिल, तर पदव्युत्तर अभ्यासक्रमांसाठीची प्रवेश परीक्षा १८ ते २० मार्च दरम्यान घेण्यात येणार आहे. प्रवेश परीक्षेबाबतची अधिक माहिती विद्यापीठाचे संकेतस्थळ  https://campus.unipune.ac.in/CCEP/Login.aspx वर देण्यात आली आहे. पदवी अभ्यासक्रमांच्या प्रवेश पात्रतेचे निकष आणि प्रवेशप्रक्रियेबाबत अधिक माहिती संकेतस्थळावर उपलब्ध असल्याचे विद्यापीठ प्रशासनाने सांगितले. 

विद्यापीठाचे विविध शैक्षणिक विभाग, संशोधन केंद्रे आणि प्रशालांमध्ये विविध पदवी, पदव्युत्तर पदवी आणि आंतरविद्याशाखीय अभ्यासक्रम राबविले जातात. या अभ्यासक्रमांसाठी प्रवेश परीक्षा अनिवार्य आहे. यापूर्वी विद्यापीठाच्या प्रवेश परीक्षा मे-जूनमध्ये होत असत. मात्र, विद्यार्थी-पालकांची मागणी, राष्ट्रीय शैक्षणिक धोरणाची अंमलबजावणी विचारात घेऊन यंदा प्रवेश परीक्षा लवकर घेतल्या जाणार आहेत. त्यासाठी १२ फेब्रुवारीपासून ऑनलाइन प्रवेश अर्ज प्रक्रिया राबवण्यात येत आहे. त्याची पहिली मुदत संपुष्टात आल्यानंतर आता मुदतवाढ देण्याचा निर्णय घेण्यात आला आहे.