राज्य शिक्षक पुरस्कारासाठी ३ ऑगस्टपर्यंत मुदतवाढ
या पुरस्कारासाठी राज्यातील शासकीय, स्थानिक स्वराज्य संस्थांच्या शाळा व मान्यताप्राप्त अनुदानित खासगी प्राथमिक, माध्यमिक आणि उच्च माध्यमिक शाळांतील शिक्षकांना आवेदन सादर करता येणार आहेत. पुरस्कारासाठी आवेदने सादर करणाऱ्या शिक्षकांचा काही जिल्हे तसेच काही प्रवर्ग याबाबत अल्प प्रतिसाद पाहता ३ ऑगस्ट, २०२५ रोजीपर्यंत आवेदने सादर करण्यासाठी मुदतवाढ देण्यात येत असल्याचे सांगण्यात आले आहे.
eduvarta@gmail.com 
एज्युवार्ता न्यूज नेटवर्क
दरवर्षी शिक्षक दिनानिमित्त प्रातिनिधिक स्वरूपात शिक्षकांना क्रांतिज्योती सावित्रीमाई फुले (Krantijyoti Savitrimai Phule Award) राज्य शिक्षक गुणगौरव पुरस्काराने (Teacher Award) सन्मानित करण्यात येते. २०२५ च्या पुरस्कारासाठी मुदत संपुष्टात आल्याने आता मुदतवाढ (Application deadline extension)करण्यात आली आहे. यासाठी इच्छुक शिक्षकांनी ३ ऑगस्टपर्यंत अर्ज करावेत, असे आवाहन माध्यमिक व उच्च माध्यमिक शिक्षण विभागाचे शिक्षण संचालक महेश पालकर (Director of Education Mahesh Palkar) यांनी केले आहे. शिक्षकांनी आपली आवेदने ३ ऑगस्टपर्यंत https://forms.gle/ixTDiuvgqqEwVuaA7 या लिंकवर ऑनलाईन सादर करावीत, असे पत्रकात नमूद करण्यात आले आहे.
या पुरस्कारासाठी राज्यातील शासकीय, स्थानिक स्वराज्य संस्थांच्या शाळा व मान्यताप्राप्त अनुदानित खासगी प्राथमिक, माध्यमिक आणि उच्च माध्यमिक शाळांतील शिक्षकांना आवेदन सादर करता येणार आहेत. पुरस्कारासाठी आवेदने सादर करणाऱ्या शिक्षकांचा काही जिल्हे तसेच काही प्रवर्ग याबाबत अल्प प्रतिसाद पाहता ३ ऑगस्ट, २०२५ रोजीपर्यंत आवेदने सादर करण्यासाठी मुदतवाढ देण्यात येत असल्याचे सांगण्यात आले आहे.
आपल्या कार्यालयाअंतर्गत येणाऱ्या प्राथमिक, माध्यमिक शिक्षकांनी जास्तीत जास्त आवेदने सादर करण्यासाठी प्रोत्साहित करावे. पुरस्कारासाठी आवेदने सादर करण्यासाठी सर्व शिक्षकांपर्यंत पुनश्चः स्वतंत्रपणे सूचना/लेखी आदेश निर्गमित करावेत तसेच वर्तमानपत्रात जाहीर करून केलेल्या कार्यवाहीचा अहवाल संचालनालयास पाठवावा, असे माध्यमिक व उच्च माध्यमिक शिक्षण संचालक डाॅ. महेश पालकर यांच्या कार्यालयाने पाठवलेल्या पत्रात नमूद करण्यात आले आहे.
