दहावीच्या विद्यार्थ्यांचा शिक्षकासमोर खून;माझा एकुलता एक मुलगा गेला, कोणाच्या तोंडाकडे पाहू,पालकांचा सवाल

एज्युवार्ता न्यूज पेपर 

इयत्ता दहावी (Class 10)शिकणाऱ्या पुणे जिलह्यातील खेड तालुक्यातील राजगुरुनगर (Rajgurunagar) येथील एका विद्यार्थ्याचा त्याच्याच खासगी क्लास (private class) मधील विद्यार्थ्याने चाकूने गळा कापून व पोटात चाकू भोकसून खून केल्याची धक्कादायक घटना घडली. शिक्षक वर्गात (teacher) शिकवत असताना सोमवारी (दि.15) सकाळी साडे आठ वाजण्याच्या सुमारास ही घटना घडली . त्यामुळे राजगुरुनगर परिसरात एकच खळबळ उडाली. या प्रकरणी अल्पवयीन विद्यार्थ्याला पोलिसांनी ताब्यात घेतले आहेत. 

पुष्कर दिलीप शिंगाडे (Pushkar Dilip Shingade)(वय.१६) असे मृत विद्यार्थ्याचे नाव आहे. पुष्कर हा हुतात्मा राजगुरू विद्यालयात इयत्ता दहावीमध्ये शिक्षण घेत होता. तर आरोपी विद्यार्थी हा मांजरेवाडी पिंपळाची येथील कै.वसंतराव मांजरे विद्यालयात शिक्षण घेत होता. या विद्यार्थ्यांमध्ये काही दिवसांपूर्वी वाद झाला होता. पुष्करला तीन दिवसांपूर्वी मारहाण करण्यात आली होती. परंतु, याबाबत त्याच्या पालकांना कोणतीही माहिती देण्यात आली नव्हती. 

खाजगी क्लासमध्ये शिकण्यासाठी आलेल्या विद्यार्थ्यांमध्ये वाद निर्माण होऊन ही दुर्दैवी घटना घडली. वर्गात शिक्षक गणित विषयाची शिकवणी घेत असताना पुष्करचा गळा कापण्यात आला तसेच त्याच्या पोटावर चाकूने वार करण्यात आला. वर्गात शिक्षक असताना अशी घटना कशी घडू शकते, असा सवाल पुष्करच्या पालकांनी उपस्थित केला आहे. 

भर क्लासमध्ये पुष्करचा गळा कापला गेला तेव्हा काय शिक्षक झोपले होते का ? असं संतप्त असावा पुष्करच्या वडिलांनी उपस्थित केला आहे. पुष्करचा खून करणारा विद्यार्थी वर्गात 15 मिनिटे उशिरा आला. सुरुवातीला त्याने पुष्करच्या डोक्यावर मारले.त्यानंतर गळा चिरला व पोटात चाकू भोकसला. त्यानंतर तो दुचाकीवरून पळून गेला होता.पुष्कर हा माझा एकुलता एक मुलगा होता. आता मी कोणाच्या तोंडाकडून पाहून जगायचे ?असा उद्विग्न सवाल पुष्करच्या वडिलांनी उपस्थित केला.