संत गाडगेबाबा विद्यापीठात तिसऱ्यांदा 'कॅरी ऑन' लागू
संत गाडगेबाबा अमरावती विद्यापीठात विविध शाखेतील विद्यार्थ्यांना नियमानुसार प्रवेश मिळतो. पण, अनेक विद्यार्थी ह्या जाचक अटींमुळे प्रवेशापासून वंचित राहतात. त्यांचे एका वर्षाचे शैक्षणिक नुकसान होते. ही बाब लक्ष्यात घेता सलग दोन वेळा 'कॅरी ऑन' संदर्भात विद्यार्थी संघटनांनी आंदोलने केली. त्यानंतर विद्यापीठाने याबाबतचा निर्णय घेतला आहे.
eduvarta@gmail.com 
एज्युवार्ता न्यूज नेटवर्क
संत गाडगे बाबा अमरावती विद्यापीठात (Sant Gadge Baba Amravati University) शिक्षण घेणाऱ्या विद्यार्थ्यांसाठी महत्त्वाची बातमी समोर आली आहे. विद्यापीठाने तिसऱ्यांदा 'कॅरी ऑन' लागू ('Carry on' applies) केले आहे. त्यामुळे फार्मसी, विधी, शिक्षणशास्त्र, समाजकार्य, स्थापत्य शास्त्र (Degree courses in Pharmacy, Law, Education, Social Work, Architecture) यांच्यासह सर्व पदवी अभ्यासक्रमांना २०२५-२०२६ या शैक्षणिक (Academic year 2025-2026) वर्षाकरिता विनाअट प्रवेश मिळणार आहे.
यासंदर्भातील अधिसूचना विद्यापीठ प्रशासनाद्वारे यापूर्वीच प्रसिद्ध केली आहे. संत गाडगेबाबा अमरावती विद्यापीठात विविध शाखेतील विद्यार्थ्यांना नियमानुसार प्रवेश मिळतो. पण, अनेक विद्यार्थी ह्या जाचक अटींमुळे प्रवेशापासून वंचित राहतात. त्यांचे एका वर्षाचे शैक्षणिक नुकसान होते. ही बाब लक्ष्यात घेता सलग दोन वेळा 'कॅरी ऑन' संदर्भात विद्यार्थी संघटनांनी आंदोलने केली. त्यानंतर विद्यापीठाने याबाबतचा निर्णय घेतला आहे.
विद्यापीठातील विविध संघटनांनी केलेल्या आंदोलनाची दखल घेऊन विद्यापीठ प्रशासनाने फार्मसी, विधी, शिक्षणशास्त्र, समाजकार्य, स्थापत्यशास्त्र यांच्यासह सर्व पदवी अभ्यासक्रमांना चालू शैक्षणिक वर्षाकरिता फुल कॅरी ऑन लागू करण्यात आले आहे. त्यामुळे विद्यापीठातील विद्यार्थ्यांना हा मोठा दिलासा मिळाला आहे. याच पद्धतीची मागणी सावित्रीबाई फुले पुणे पुणे विद्यापीठातील विद्यार्थी संघटनांकडून करण्यात येत आहे. मात्र, विद्यापीठ प्रशासन त्यांच्या या मागणीला केराची टोपली दाखवत असल्याचा आरोप विद्यार्थ्यांकडून करण्यातच येत आहे.
