CTET डिसेंबर 2024 परीक्षेच्या तारखांमध्ये बदल
अधिक माहितीसाठी पात्र उमेदवार https://ctet.nic.in/ अधिकृत वेबसाइटला भेट देऊ शकतात.
eduvarta@gmail.com 
एज्युवार्ता न्यूज नेटवर्क
केंद्रीय माध्यमिक शिक्षण मंडळाने (CBSE) प्रशासकीय कारणांमुळे केंद्रीय शिक्षक पात्रता चाचणीच्या (CTET) परीक्षेच्या तारखांमध्ये बदल केले आहेत. यापूर्वी जाहीर केलेल्या वेळापत्रकानुसार डिसेंबर सत्रातील सीटीईटी परीक्षा (Exam) १ डिसेंबर रोजी होणार होती. अधिकृत सूचनेनुसार, CTET डिसेंबरची परीक्षा आता 15 डिसेंबर 2024 रोजी घेतली जाणार आहे.
तसेच "एखाद्या शहरात उमेदवारांची संख्या जास्त असल्यास, परीक्षा 14 डिसेंबर 2024 रोजी देखील घेतली जाऊ शकते," अशी सूचना अधिकृत नोटीसमध्ये देण्यात आली आहे.
CTET डिसेंबर परीक्षेसाठी नोंदणी प्रक्रिया सुरू असून अर्ज भरण्याची अंतिम तारीख 16 ऑक्टोबर आहे. पात्र उमेदवार https://ctet.nic.in/ अधिकृत वेबसाइटला भेट देऊ शकतात.
जुलैच्या सत्रानंतर बोर्डाने डिसेंबर सत्रासाठी परीक्षा केंद्रांची संख्या 132 पर्यंत कमी केली आहे, ज्यामध्ये 184 शहरे होती. परीक्षा दोन शिफ्टमध्ये घेण्यात येणार आहे. सकाळची शिफ्ट सकाळी 9.30 ते दुपारी 12 पर्यंत आणि संध्याकाळची शिफ्ट दुपारी 2.30 ते 5 वाजेपर्यंत चालेल.
