सावधान! CLAT परीक्षेविषयी पसरतीय चुकीची माहिती; NLU कडून विद्यार्थ्यांना इशारा
काही ब्लॉग, वेबसाइट आणि माध्यमे CLAT परीक्षा आणि प्रवेशपत्राविषयी चुकीची अनधिकृत माहिती देत आहेत. ही माहिती खोटी असून संस्था याला जवाबदार नाही. या संदर्भातील अधिकृत महितीसाठी विद्यार्थ्यांनी फक्त www.consortiumofnlus.ac.in या अधिकृत वेबसाइटला फॉलो करावे
eduvarta@gmail.com 
एज्युवार्ता न्यूज नेटवर्क
कॉमन लॉ ॲडमिशन टेस्ट (Common Law Admission Test) CLAT परीक्षेच्या ॲडमिटकार्ड विषयी सोशल मीडियावर चुकीची माहिती पसरवली जात आहे. (Misinformation is being spread on social media about the admit card) असा दावा करत कन्सोर्टियम ऑफ नॅशनल लॉ युनिव्हर्सिटीजने (Consortium of National Law Universities) NLUs विद्यार्थ्यांना सावधगिरीचा इशारा (Cautionary warning to students) दिला आहे.
NLUs ने आपल्या निवेदनात म्हटले आहे की, "काही ब्लॉग, वेबसाइट आणि माध्यमे CLAT परीक्षा आणि प्रवेशपत्राविषयी चुकीची आणि अनधिकृत माहिती देत आहेत. ही माहिती खोटी असून संस्था याला जवाबदार नाही. या संदर्भातील अधिकृत महितीसाठी विद्यार्थ्यांनी फक्त www.consortiumofnlus.ac.in या अधिकृत वेबसाइटला फॉलो करावे." CLAT अॅडमिट कार्ड आणि संबंधित सूचना 15 नोव्हेंबर किंवा त्यानंतर प्रसिद्ध केल्या जातील असेही निवेदनात नमूद करण्यात आले आहे.
अधिकृत वेळापत्रकानुसार, CLAT 2025 परीक्षा 1 डिसेंबर 2024 रोजी संपूर्ण भारतातील सुमारे 131 परीक्षा केंद्रांवर होणार आहे. ही परीक्षा ऑफलाइन पद्धतीने घेतली जाणार आहे. या परीक्षेची अर्ज प्रक्रिया १५ जुलैपासून सुरू झाली. उमेदवारांना 22 ऑक्टोबर 2024 पर्यंत अर्ज करण्याची संधी देण्यात आली होती. यानंतर, उमेदवारांना 25 ऑक्टोबर 2024 पर्यंत शुल्क जमा करण्याची संधी देण्यात आली होती. यासोबतच, त्यांना 25 ऑक्टोबर 2024 पर्यंत अर्जात दुरुस्ती करण्याची संधीही देण्यात आली. आता परीक्षेचे प्रवेशपत्र दिले जातील. ही हॉलतिकिटे अधिकृत वेबसाइटवर प्रसिद्ध केली जातील. या परीक्षेच्या माध्यमातून पदवी आणि पदव्युत्तर कार्यक्रमासाठी प्रवेश घेतला जातो.
