CBSE : 10वी, 12वीच्या अभ्यासक्रमात 15% कपात, परीक्षेचा पॅटर्नही बदलला

एज्युवार्ता न्यूज नेटवर्क 

CBSE बोर्डाने 10वी आणि 12वीच्या (10th and 12th CBSE Board Exams) विद्यार्थ्यांना मोठा दिलासा दिला आहे.10 वी आणि 12 वी वर्गांचा अभ्यासक्रम 15 टक्क्यांनी कमी करण्यात आला आहे. याशिवाय परीक्षा पद्धतीतही बदल (Syllabus reduced by 15 percent, exam pattern changed) करण्यात आले आहेत. त्यानुसार 40% गुण अंतर्गत मूल्यांकनासाठी आणि उर्वरित 60% गुण अंतिम परीक्षेसाठी दिले जातील, अशी माहिती भोपाळचे क्षेत्रीय अधिकारी विकास कुमार अग्रवाल (Area Officer Vikas Kumar Aggarwal) यांनी इंदूर येथे झालेल्या प्रिन्सिपल समिटमध्ये दिली. 

विकास कुमार अग्रवाल म्हणाले, या घोषणेचा उद्देश हा विद्यार्थ्यांना अभ्यासक्रमाच्या ओझ्यातून वाचवून विषय सखोलपणे समजून घेण्याची संधी देणे हा आहे. अभ्यासक्रमातील कपात हा बोर्डाच्या विकसित शैक्षणिक रचनेशी सुसंगत आहे. २०२५ च्या CBSE परीक्षेचा पॅटर्नही बदलण्यात आला आहे. त्यानुसार 10वी आणि 12वी या दोन्ही वर्गांसाठी अंतर्गत मूल्यांकनासाठी 40 टक्के गुण निश्चित करण्यात आले आहेत. तर उर्वरित 60 टक्के गुण अंतिम लेखी परीक्षेवर आधारित असतील. 

बोर्डाच्या परीक्षा 2025 मध्ये एकदाच घेतल्या जात असल्याचेही प्रादेशिक अधिकाऱ्यांनी सांगितले आहे. पुढील वर्षी दोन टर्ममध्ये परीक्षा घेण्याची तयारी सुरू आहे. या बदलाला अंतिम स्वरूप देण्यात आले असून लॉजिस्टिकची तयारी सुरू असल्याचे त्यांनी सांगितले. दोन-टर्म परीक्षा मॉडेलचे उद्दिष्ट विद्यार्थ्यांना अधिक वारंवार मूल्यांकनाच्या संधी उपलब्ध करून देणे आहे. या प्रणालीमुळे विद्यार्थ्यांना त्यांचा अभ्यास अधिक प्रभावीपणे व्यवस्थापित करण्यास आणि एकवेळच्या परीक्षेच्या ताणाचा सामना करण्यास मदत होईल, असा बोर्डाचा विश्वास आहे.

CBSE बोर्ड परीक्षेचे डेटशीट लवकरच प्रसिद्ध केली जाईल

CBSE बोर्डाकडून लवकरच इयत्ता 10वी आणि 12वी साठी डेटशीट प्रसिद्ध करण्यात येईल. बोर्डाकडून कोणतीही अधिकृत घोषणा करण्यात आलेली नाही, परंतु,  मागील वर्षांचा पॅटर्न लक्षात घेता, पुढील महिन्यात म्हणजे डिसेंबरमध्ये रिलीज होईल, अशी अपेक्षा आहे. वेळापत्रक जाहीर झाल्यानंतर, विद्यार्थी ते अधिकृत वेबसाइटवरून डाउनलोड करू शकतील. 15 फेब्रुवारी 2024 पासून बोर्डाच्या परीक्षा होणार आहेत.