CBSE : दहावी आणि बारावीच्या प्रॅक्टिकल परीक्षांच्या तारखा जाहीर

एज्युवार्ता न्यूज नेटवर्क 

सेंट्रल बोर्ड ऑफ सेकंडरी एज्युकेशनने (Central Board of Secondary Education) CBSE अधिकृत वेबसाइटवर इयत्ता 10 वी आणि 12 वीच्या प्रात्यक्षिक परीक्षेच्या तारखा जाहीर केल्या आहेत. (Class 10th and 12th practical exam dates have been announced) या परीक्षा 1 जानेवारी 2025 पासून सुरू होणार आहेत, तर लेखी  परीक्षा 15 फेब्रुवारी 2025 पासून सुरू होणार आहेत. CBSE इयत्ता 10वी आणि 12वीच्या प्रात्यक्षिक परीक्षांची माहिती पाहण्यासाठी उमेदवार अधिकृत वेबसाइटला भेट देऊ शकतात.

बोर्डाने शाळांना परीक्षा आयोजित करण्यात मदत व्हावी या उद्देशाने विषयांची तपशीलवार यादी देखील प्रसिद्ध केली आहे. या यादीमध्ये वर्ग, विषय कोड, विषयाचे नाव, लेखी परीक्षेसाठी सर्वाधिक गुण, प्रात्यक्षिक परीक्षा, प्रकल्प मूल्यांकन, अंतर्गत मूल्यांकन आणि लेखी परीक्षेत वापरल्या जाणाऱ्या उत्तरपत्रिकेचा प्रकार यासारख्या माहितीचा समावेश आहे.

दरम्यान, बोर्डाने नुकतेच हिवाळी प्रदेशातील शाळांच्या प्रात्यक्षिक परीक्षांच्या तारखा जाहीर केल्या होता. त्यानुसार या शाळांच्या परीक्षा  5 नोव्हेंबर ते 5 डिसेंबर 2024 या कालावधीत घेण्यात येणार आहेत. बोर्डाने या हिवाळी शाळेतील सेमिस्टर परीक्षा, प्रकल्प कार्य आणि अंतर्गत मूल्यांकनासाठी तपशीलवार मानक कार्यप्रणाली (SOP) आणि मार्गदर्शक तत्त्वे देखील प्रसिद्ध केली आहेत.