वर्षातून तीनदा सीए अंतिम परीक्षा होणार : आयसीएआय
आयसीएआयने गेल्या वर्षी 'फाउंडेशन' आणि 'इंटरमीडिएट' परीक्षा वर्षातून दोन ऐवजी तीन वेळा घेण्याचा निर्णय घेतला होता. आता वर्षातून तीनदा परीक्षा घेण्यात आल्यामुळे विद्यार्थ्यांना परीक्षेत बसण्यासाठी अधिक संधी उपलब्ध होणार आहे.
eduvarta@gmail.com 
एज्युवार्ता न्यूज नेटवर्क
इन्स्टिट्यूट ऑफ चार्टर्ड अकाउंटंट्स ऑफ इंडियाने (ICAI) सीए फायनल (CA Final Exam) परीक्षा आता वर्षातून दोन ऐवजी तीन वेळा घेतली जाणार (three times a year instead of two) असल्याची घोषणा केली आहे. या परीक्षा जानेवारी, मे आणि सप्टेंबर (Exams January, May and September) महिन्यात घेतल्या जातील. देशातील चार्टर्ड अकाउंटन्सीसाठीच्या सर्वोच्च नियामक संस्थेच्या २६ व्या परिषदेच्या बैठकीत हा निर्णय घेण्यात आला आहे.
आता सर्व परीक्षा वर्षातून तीनदा
फाउंडेशन (the initial stage), इंटरमीडिएट (the penultimate stage) आणि अंतिम अशा चार्टर्ड अकाउंटन्सीच्या परीक्षा तीन टप्प्यांमध्ये घेतल्या जातात. आयसीएआयने गेल्या वर्षी 'फाउंडेशन' आणि 'इंटरमीडिएट' परीक्षा वर्षातून दोन ऐवजी तीन वेळा घेण्याचा निर्णय घेतला होता. आता वर्षातून तीनदा परीक्षा घेण्यात आल्यामुळे विद्यार्थ्यांना परीक्षेत बसण्यासाठी अधिक संधी उपलब्ध होणार आहे. याच उद्देशाने हा निर्णय घेण्यात आला आहे.
आयसीएआयने पुढे सांगितले की, माहिती प्रणाली लेखापरीक्षणातील पदव्युत्तर पात्रता अभ्यासक्रमासाठी मूल्यांकन चाचणी वर्षातून तीनदा घेतली जाईल. ही चाचणी फेब्रुवारी, जून आणि ऑक्टोबरमध्ये होईल.
या निर्णयामागचे कारण सांगताना, आयसीएआयने म्हटले आहे की, याद्वारे विद्यार्थ्यांना अधिक संधी प्रदान होतील. गेल्या वर्षी ३१ हजार ९४६ विद्यार्थ्यांनी सीए अंतिम परीक्षा उत्तीर्ण केली. आयसीएआयच्या आकडेवारीनुसार, मे महिन्यात २० हजार ४४६ विद्यार्थी उत्तीर्ण झाले आणि नोव्हेंबरमध्ये ११ हजार ५०० विद्यार्थी पात्र ठरले.
