सीए फाउंडेशन सप्टेंबर २०२४ परीक्षेचे हॉल तिकीट प्रसिद्ध
परीक्षेत सहभागी होण्यासाठी अर्ज केलेले उमेदवार अधिकृत वेबसाइट eservices.icai.org वर जाऊन त्यांचे प्रवेशपत्र डाउनलोड करू शकतात. प्रवेशपत्र डाउनलोड करण्यासाठी, उमेदवारांना नोंदणी क्रमांक आणि पासवर्ड प्रविष्ट करणे आवश्यक आहे.
eduvarta@gmail.com 
एज्युवार्ता न्यूज नेटवर्क
इन्स्टिट्यूट ऑफ चार्टर्ड अकाउंटंट्स ऑफ इंडियाने (ICAI) चार्टर्ड अकाउंटंट (CA) फाउंडेशन कोर्स सप्टेंबर 2024 परीक्षेचे प्रवेशपत्र प्रसिद्ध (Admit card released) केले आहे. या परीक्षेत सहभागी होण्यासाठी अर्ज केलेले उमेदवार अधिकृत वेबसाइट eservices.icai.org वर जाऊन त्यांचे प्रवेशपत्र डाउनलोड करू शकतात. प्रवेशपत्र डाउनलोड करण्यासाठी, उमेदवारांना नोंदणी क्रमांक आणि पासवर्ड प्रविष्ट करणे आवश्यक आहे.
ICAI द्वारे फाउंडेशन सप्टेंबर 2024 सत्र परीक्षा 13, 15, 18 आणि 20 सप्टेंबर 2024 रोजी आयोजित केली जाईल. पेपर 1 आणि पेपर 2 दुपारी 2 ते 5 या वेळेत, तर पेपर 3 आणि 4 दुपारी 2 ते 4 या वेळेत घेण्यात येईल. ज्या उमेदवारांना CS एक्झिक्युटिव्ह आणि प्रोफेशनल डिसेंबर 2024 सत्र परीक्षेत भाग घ्यायचा आहे, ते उमेदवार 10 ऑक्टोबर 2024 पर्यंत विलंब शुल्कासह अर्ज करू शकतील.
प्रवेशपत्र असे डाउनलोड करा
ICAI फाउंडेशन ॲडमिट कार्ड डाउनलोड करण्यासाठी, प्रथम अधिकृत वेबसाइट eservices.icai.org ला भेट द्या. वेबसाइटच्या होम पेजवर प्रवेशपत्राच्या लिंकवर क्लिक करा. आता तुम्हाला विद्यार्थ्यांचा नोंदणी क्रमांक आणि पासवर्ड (तुमची जन्म तारिख) टाकावा लागेल आणि प्रवेशपत्र डाउनलोड करण्याच्या लिंकवर क्लिक करावे लागेल. त्यानंतर तुम्ही त्याची प्रिंट काढून घेऊ शकता.
