रेल्वेमध्ये कनिष्ठ अभियंता पदांसाठी बंपर भरती
उमेदवार 29 ऑगस्ट 2024 पर्यंत अर्ज करू शकतात. अर्जातील दुरुस्तीची विंडो 30 ऑगस्ट ते 8 सप्टेंबर या कालावधीत खुली असेल.
eduvarta@gmail.com 
एज्युवार्ता न्यूज नेटवर्क
Indian Railways: भारतीय रेल्वेमध्ये कनिष्ठ अभियंता (Junior Engineer in Railways)पदांसाठी रिक्त जागा प्रसिद्ध झाल्या आहेत. रेल्वे भर्ती बोर्डाने (RRB) या संदर्भात अधिसूचना प्रसिध्द केली आहे. त्यात कनिष्ठ अभियंता, डेपो मटेरियल सुपरिंटेंडंट (DMS), केमिकल आणि मेटलर्जिकल असिस्टंट (Chemical and Metallurgical Assistant)आणि इतर पदांसाठी अर्ज मागवले आहेत. या भरती मोहिमेद्वारे रेल्वेमध्ये 7 हजार 951 रिक्त पदांवर भरती होणार आहे.
RRB JE नोंदणीची प्रक्रिया 30 जुलैपासून सुरू होईल आणि उमेदवार 29 ऑगस्ट 2024 पर्यंत अर्ज करू शकतात. अर्जातील दुरुस्तीची विंडो 30 ऑगस्ट ते 8 सप्टेंबर या कालावधीत खुली असेल. मात्र, रेल्वे भरती बोर्डाने अद्याप परीक्षेची तारीख जाहीर केलेली नाही.
RRB ने अधिसूचनेसह रिक्त पदांचा संपूर्ण तपशील (RRB JE Vacancy 2024) प्रसिद्ध केला आहे. यावर्षी 7934 कनिष्ठ अभियंता, डेपो मटेरियल सुपरिटेंडंट आणि केमिकल आणि मेटलर्जिकल असिस्टंट व्यतिरिक्त, RRB गोरखपूरसाठी 17 केमिकल पर्यवेक्षक/संशोधन आणि मेटलर्जिकल पर्यवेक्षक/संशोधन पदांसाठी भरती होणार आहे.
उमेदवाराकडे अभियांत्रिकी पदविका/पदवी किंवा B.Sc. बीसीए, पीजीडीसीए आणि डीओईसी बी स्तरावरील तीन वर्षांचा अभ्यासक्रम असलेले ज्युनिअर इंजिनीअर आयटी पदांसाठी अर्ज करू शकतात. पात्रतेशी संबंधित संपूर्ण माहितीसाठी अधिसूचना पहावी. या पदांसाठी अर्ज करण्याची वयोमर्यादा 18 ते 36 वर्षे आहे. आरक्षित वर्गाला सरकारी नियमांनुसार वयात सवलत मिळेल.
